Arvind Kejriwal Arrest : દિલ્હી દારૂ કૌભાંડમાં એન્ફોર્સમેન્ટ ડિરેક્ટોરેટ (ED) દ્વારા ધરપકડ કરાયેલા મુખ્યમંત્રી અરવિંદ કેજરીવાલ રિમાન્ડ પર છે. આ તરફ હવે સૂત્રો દ્વારા મોટા સમાચાર સામે આવ્યા છે કે, અરવિંદ કેજરીવાલે EDની કસ્ટડીમાં પોતાનો પહેલો આદેશ જાહેર કર્યો છે, જે જળ મંત્રાલય સાથે સંબંધિત છે. આ આદેશની નોટિસ દિલ્હી સરકારના મંત્રી આતિશીને મોકલવામાં આવી છે. જળ મંત્રી આતિશી આજે એટલે કે રવિવારે સવારે 10 વાગે પ્રેસ કોન્ફરન્સ કરવાના છે. એટલે કે હવે અરવિંદ કેજરીવાલનો "જેલ સે ચલેગી સરકાર" મોડ શરૂ થઈ ગયો છે.
કેજરીવાલ 28 માર્ચ સુધી ED રિમાન્ડમાં
દિલ્હીની રાઉઝ એવન્યુ કોર્ટે મુખ્યમંત્રી અરવિંદ કેજરીવાલના રિમાન્ડ પર પોતાનો ચુકાદો આપ્યો હતો. કોર્ટે અરવિંદ કેજરીવાલના 28 માર્ચ સુધી EDને રિમાન્ડ આપ્યા છે. કેજરીવાલે કહ્યું હતું કે હું મુખ્યમંત્રી પદ પરથી રાજીનામું નહીં આપું અને જો મારે કરવું પડશે તો હું જેલમાંથી સરકાર ચલાવીશ. તેમણે કહ્યું કે અંદર હોય કે બહાર... સરકાર ત્યાંથી ચાલશે. કેજરીવાલે કહ્યું હતું કે, મને ખાતરી છે કે અમને સમસ્યાઓનો સામનો કરવો પડશે પરંતુ અમે આમાંથી કામ કરવાનો પ્રયાસ કરીશું. દિલ્હીના લોકો આ જ ઈચ્છે છે.
વધુ વાંચો: કેજરીવાલ પાસે હાલમાં કેટલી સંપત્તિ?, આંકડા જાણી મન ચકરાવે ચડશે, પગાર લાખોમાં
દિલ્હીના મુખ્યમંત્રી અરવિંદ કેજરીવાલને કથિત દારૂ કૌભાંડમાં 28 માર્ચ સુધી ED રિમાન્ડ પર મોકલવામાં આવ્યા છે. EDએ કેજરીવાલની 21 માર્ચે દારૂ કૌભાંડ સંબંધિત મની લોન્ડરિંગ કેસમાં ધરપકડ કરી હતી. EDએ તેમના પર 100 કરોડ રૂપિયાની ઉચાપતનો આરોપ લગાવ્યો છે. EDના આરોપો સિવાય અરવિંદ કેજરીવાલ વાસ્તવમાં કરોડપતિ છે. તેઓ દેશના એવા મુખ્યમંત્રીઓમાંના એક છે જેમનો પગાર સૌથી વધુ છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
