દારૂ કૌભાંડ કેસ / કેજરીવાલ પાસે હાલમાં કેટલી સંપત્તિ?, આંકડા જાણી મન ચકરાવે ચડશે, પગાર લાખોમાં

દિલ્હીના મુખ્યમંત્રી અરવિંદ કેજરીવાલને કથિત દારૂ કૌભાંડમાં 28 માર્ચ સુધી ED રિમાન્ડ પર મોકલવામાં આવ્યા છે. EDએ કેજરીવાલની 21 માર્ચે દારૂ કૌભાંડ સંબંધિત મની લોન્ડરિંગ કેસમાં ધરપકડ કરી હતી. EDએ તેમના પર 100 કરોડ રૂપિયાની ઉચાપતનો આરોપ લગાવ્યો છે. EDના આરોપો સિવાય અરવિંદ કેજરીવાલ વાસ્તવમાં કરોડપતિ છે. તેઓ દેશના એવા મુખ્યમંત્રીઓમાંના એક છે જેમનો પગાર સૌથી વધુ છે.

9,95,741 રૂપિયાની જંગમ સંપત્તિ

વર્ષ 2020માં જ્યારે અરવિંદ કેજરીવાલ વિધાનસભાની ચૂંટણી લડી રહ્યા હતા ત્યારે તેમણે પોતાના ચૂંટણી એફિડેવિટમાં પોતાની સંપત્તિની વિગતો પણ આપી હતી. પછી તેણે જણાવ્યું હતું કે તેની પાસે કુલ 3.44 કરોડ રૂપિયા (3,44,42,870)ની સંપત્તિ છે. 1989માં IIT ખડગપુરમાંથી B.Tech (મિકેનિકલ એન્જિનિયરિંગ)નો અભ્યાસ કરનાર કેજરીવાલે જણાવ્યું હતું કે તેમની પાસે 9,95,741 રૂપિયાની જંગમ સંપત્તિ છે, જ્યારે તેમની પત્ની પાસે 57,07,791 લાખ રૂપિયાની જંગમ સંપત્તિ છે.

અરવિંદ કેજરીવાલ પાસે રૂ. 1,77,00,000 કરોડની સ્થાવર સંપત્તિ

ચૂંટણી એફિડેવિટ મુજબ તે સમયે અરવિંદ કેજરીવાલ પાસે રૂ. 1,77,00,000 કરોડની સ્થાવર સંપત્તિ હતી. જ્યારે તેમની પત્ની પાસે રૂ. 1,00,00,000 કરોડની સ્થાવર સંપત્તિ હતી. ગાઝિયાબાદના ઈન્દિરાપુરમમાં કેજરીવાલના નામે 2400 ચોરસ ફૂટની જમીન હતી. હરિયાણામાં પણ તેમના નામે 6750 ચોરસ ફૂટ જમીન હતી. તે જ સમયે, તેમની પત્ની સુનીતા કેજરીવાલના નામે ગુરુગ્રામમાં 2244 ચોરસ ફૂટની રહેણાંક મિલકત હતી.

વધુ વાંચો : કેજરીવાલ પર ટિપ્પણી કરવી જર્મનીને પડી ભારે, ભારતે લીધું આડે હાથ, કહ્યું 'આ હસ્તક્ષેપ...'

કુલ પગાર રૂ. 2,040,000 લાખ

અરવિંદ કેજરીવાલ પાસે પોતાના નામે કોઈ કાર નથી. જ્યારે તેમની પત્ની પાસે મારુતિ બેલેનો છે. જેની કિંમત 6,20,000 લાખ રૂપિયા જણાવવામાં આવી હતી. કેજરીવાલની પત્ની પાસે 320 ગ્રામ સોનાના દાગીના છે, જ્યારે તેમની પાસે લગભગ 1 કિલો ચાંદી છે. તમને જણાવી દઈએ કે દિલ્હીના મુખ્યમંત્રી અરવિંદ કેજરીવાલ સૌથી વધુ પગાર મેળવનારા મુખ્યમંત્રીઓમાં સામેલ છે. કેજરીવાલ દર મહિને 1.70 લાખ રૂપિયા લે છે. વર્ષ માટે કુલ પગાર રૂ. 2,040,000 લાખ છે. આ સિવાય તેમને તમામ સુખ-સુવિધાઓ પણ મળે છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો