- હાર્દિક પંડ્યા પોતાની જૂની ટીમ મુંબઈ ઈન્ડિયન્સમાં પાછો ફર્યો
- છોડી ગુજરાત ટાઈટન્સની કેપ્ટનન્સી
- કેપ્ટનન્સી છોડ્યા બાદ બોલ્યો- ટીમનો ભાગ બનવું મારા માટે મોટી સિદ્ધિ
ગુજરાત ટાઈટન્સ છોડીને પોતાની જૂની ટીમ મુંબઈ ઈન્ડિયન્સ સાથે જોડાયેલા હાર્દિક પંડ્યાએ પોતાની જૂની ફ્રેન્ચાઇઝી માટે ભાવુક પોસ્ટ લખી છે. હાર્દિક પંડ્યાએ આ પોસ્ટ દ્વારા પોતાની જૂની ફ્રેન્ચાઇઝી સાથે રમનારા ખેલાડીઓ અને આખી ટીમનો આભાર માન્યો છે. ઉલ્લેખનીય છે કે હાર્દિક પંડ્યાએ ગુજરાત ટાઈટન્સની કેપ્ટનન્સી છોડી દીધી છે અને તે હવે તેની જુની ટીમ મુંબઈ ઈન્ડીયન્સ વતી રમતો જોવા મળશે. છેલ્લા બે દિવસની મથામણને અંતે મુંબઈ ઈન્ડિયન્સે હાર્દિક પંડયાને ગુજરાત ટાઈટન્સની સાથે જોડ્યો છે. હાર્દિક પંડ્યાની મુંબઇ ઇન્ડિયન્સમાં વાપસી બાદ ફેન્સ ઘણા ખુશ છે.
હાર્દિકે લખી ઈમોશનલ પોસ્ટ
હાર્દિક પંડ્યાએ સોશિયલ મીડિયા પ્લેટફોર્મ એક્સ પર લખ્યું, "હું ગુજરાત ટાઇટન્સના ચાહકો અને મેનેજમેન્ટનો હૃદયપૂર્વક આભાર વ્યક્ત કરું છું. ટીમનો ભાગ બનવું અને તેનું નેતૃત્વ કરવું એ મારા માટે એક મોટી સિદ્ધિ છે. એક ખેલાડી તરીકે મને અને મારા પરિવારને જે પ્રેમ અને પ્રોત્સાહન મળ્યું છે તેના માટે પણ હું ખૂબ આભારી છું. એક વ્યક્તિ તરીકે, ગુજરાત ટાઇટન્સ સાથેની યાદો અને અનુભવો મારા હૃદયમાં હંમેશાં એક વિશેષ સ્થાન ધરાવે છે. આ અવિસ્મરણીય યાત્રા માટે તમારો આભાર. હાર્દિક પંડ્યાના આ ટ્વિટ પર ફેન્સ પોતાની રીતે પ્રતિક્રિયા આપી રહ્યા છે. હાર્દિક પંડ્યાએ 2015માં મુંબઈ ઈન્ડિયન્સ માટે અનકેપ્ડ ખેલાડી તરીકે આઈપીએલ કરિયરની શરૂઆત કરી હતી. આ પછી હાર્દિક પંડ્યાએ મુંબઈ ઈન્ડિયન્સ સાથે 7 સિઝન રમી હતી. હાર્દિક પંડ્યા વર્ષ 2022માં ગુજરાત ટાઇટન્સ સાથે જોડાયો હતો. હાર્દિક પંડ્યાએ ગુજરાત ટાઇટન્સની શરૂઆતની સિઝનમાં ટીમને ખિતાબ અપાવ્યો હતો. પોતાની આગામી સીઝન એટલે કે આઈપીએલ 2023માં હાર્દિક પંડ્યાએ ગુજરાત ટાઈટન્સને પણ ફાઈનલમાં પહોંચાડી હતી. જોકે ફાઈનલમાં ગુજરાત ટાઈટન્સને ચેન્નાઈ સુપર કિંગ્સના હાથે હારનો સામનો કરવો પડયો.
શુભમન ગિલ બન્યો ગુજરાત ટાઈટન્સનો કેપ્ટન
હાર્દિકની એક્ઝિટ બાદ ટીમ ઈન્ડીયાનો સ્ટાર બેટર શુભમન ગિલ ગુજરાત ટાઈટન્સનો કેપ્ટન બન્યો છે. હાર્દિક મુંબઈ ઈન્ડીયન્સનો કેપ્ટન બન્યો છે.
