તમને ખબર છે? / અંડરવર્લ્ડમાં કોઈને મારવા માટે 'સોપારી' શબ્દનો કેમ ઉપયોગ કરવામાં આવે છે? કારણ છે રસપ્રદ

• શું તમને ખબર છે?
• શા માટે અંડરવર્લ્ડમાં કરવામાં આવે છે 'સોપારી' શબ્દનો ઉપયોગ 
• તેના પાછળનું કારણ છે રસપ્રદ 

જ્યારે પણ ફિલ્મોમાં કોઈ બદમાસ કોઈની 'સોપારી' લેવાની વાત કરે છે તો તમે સમજી જાઓ છો કે તે વ્યક્તિએ કોઈને મારવા માટે કોન્ટ્રાક્ટ અથવા પૈસા લીધા છે. સોપારી લેવાનો મતલબ જ કોઈને મારવાના બદલામાં પૈસા લેવાનો છે. અંડરવર્લ્ડમાં સોપારી શબ્દનો ઉપયોગ કરવામાં આવે છે. આમ તો સોપારી ખાવાના કામમાં આવે છે. પરંતુ અંડરવર્લ્ડમાં નેગેટિવ રૂપમાં તેનો ઉપયોગ કરવામાં આવે છે. 

શું છે સોપારીની કહાની? 
તમને જણાવી દઈએ કે ફક્ત મર્ડરના કોન્ટ્રાક્ટ માટે જ સોપારી શબ્દનો ઉપયોગ નથી કરવામાં આવતો. તે ઉપરાંત અન્ય કામો માટે પણ સોપારી શબ્દ કામમાં લેવામાં આવે છે. જેમાં વાત પાક્કી થવામાં ટોકન મનીના રૂપમાં પણ સોપારી શબ્દનો ઉપયોગ કરવામાં આવે છે.

એક રિપોર્ટ અનુસાર, મુંબઈ પોલીસે રિટાયર્ડ એસીપી વસંદ ઢોબલે જણાવ્યું કે મહારાષ્ટ્રમાં કોઈ પણ મહેમાનને ઈનવાઈટ કરવા માટે પાન અને સોપારીનો ઉપયોગ કરવામાં આવે છે. તેની સાથે જ કોઈ પણ ડીલ કે કોન્ટ્રાક્ટ માટે પણ સોપારી શબ્દનો ઉપયોગ કરવામાં આવે છે. 

કોઈ પણ વાત પર સહમતિ હોવા કે કોઈ ડીલ પાક્કી થવા પર મરાઠીમાં કહેવામાં આવે છે, 'કામચી સુપારી આલી આહે'. તેનો મતલબ છે કે અમને કામનો કોન્ટ્રાક્ટ મળી ગયો છે. તેના માટે સોપારી શબ્દ અન્ય કામો માટે ઉપયોગમાં લેવામાં આવે છે અને ફિલ્મોમાં મહારાષ્ટ્રના કારણે સોપારીનું ચલણ વધારે છે. ફિલ્મોમાં જ્યારે અંડરવર્લ્ડમાં સોપારીનો ઉપયોગ કરવામાં આવ્યો તો તેને મર્ડર સાથે જોડવામાં આવ્યો છે. 

શું છે તેનો ઈતિહાસ? 
તમને જણાવી દઈએ કે કોન્ટ્રાક્ટ માટે સોપારીનો ઉપયોગ કરવાની કહાની છે. પુસ્તક ‘Dongri to Dubai: Six Decades of the Mumbai Mafia’માં લખીને એસ હુસૈન જૈદીએ તેના ઈતિહાસની જાણકારી આપી છે. તેમાં જણાવવામાં આવ્યું છે કે માહેમી ટ્રાઈબના ચીફ ભીમની એક પરંપરાના કારણે આ સોપારી શબ્દ ચલણમાં આવ્યો છે. 

પુસ્તક અનુસાર, જ્યારે પણ ભીમની સામે કોઈ મુશ્કેલ ટાસ્ક હોય છે તો તે યોદ્ધાઓની એક મીટિંગ બોલાવે છે અને ત્યાર બાદ એક પ્લેટમાં સોપારી અથવા પાણી મુકે છે. ત્યાર બાદ જે પણ કોઈ પાણી ઉઠાવે છે તેમને તે કામ કરવું પડે છે. તેનાથી એ ખબર પડે છે કે પાણી વગેરે આપીને કોન્ટ્રાક્ટ અથવા ડીલ કરવામાં આવતી હતી. ત્યાર બાદ આ સોપારીનું ચલણ ચાલતુ આવ્યું છે. 

જણાવી દઈએ કે ઘણા એવા મામલામાં અંડરવર્લ્ડમાં કોઈ વ્યક્તિને મારવા માટે પૈસા આવામાં આવ્યા અને પૈસાના બદલે મર્ડર કરાવતા કોન્ટ્રાક્ટને સોપારીના રૂપમાં જ ઓળખવામાં આવે છે. અહીં સુધી કે પોલીસની સામાન્ય ભાષામાં પણ સોપારી શબ્દનો ઉપયોગ કરવામાં આવે છે.