IPL 2024 / મુંબઈ ઈન્ડિયન્સે કેમ રોહિત શર્માથી કેપ્ટનશીપ છીનવી હાર્દિકને આપી? વર્લ્ડકપથી જ ચાલી રહી હતી પ્લાનિંગ, જાણો ઈનસાઈડ સ્ટોરી

• મુંબઈ ઈન્ડિયન્સે રોહિત શર્માને સુકાનીપદેથી હટાવ્યા બાદ ખળભળાટ
• રોહિત શર્માને કેપ્ટનશિપ પરથી હટાવીને હાર્દિક પંડ્યાને નવો કેપ્ટન બનાવ્યો
• રોહિત શર્માને આ બધા વિશે પહેલાથી જ જાણ કરવામાં આવી હતી

મુંબઈ ઈન્ડિયન્સે રોહિત શર્માને સુકાનીપદેથી હટાવ્યા બાદ હાલ ભારે હોબાળો મચી ગયો છે. મુંબઈએ રોહિત શર્માને કેપ્ટનશિપ પરથી હટાવીને હાર્દિક પંડ્યાને નવો કેપ્ટન જાહેર કર્યો છે. આનાથી મોટાભાગના ચાહકો નારાજ છે. જો કે હવે આ સમગ્ર મામલે વધુ સમાચારો સામે આવી રહ્યા છે. એવું કહેવામાં આવી રહ્યું છે કે રોહિત શર્માને આ બધા વિશે પહેલાથી જ જાણ કરવામાં આવી હતી.

વર્લ્ડ કપ સમયે બધું સ્પષ્ટ હતું

એક અહેવાલ અનુસાર મુંબઈ ઈન્ડિયન્સે ICC ODI વર્લ્ડ કપ 2023ની શરૂઆતમાં જ રોહિત શર્માને કહ્યું હતું કે તેઓ હાર્દિક પંડ્યાને કેપ્ટન તરીકે પરત લાવવાનું વિચારી રહ્યા છે. રિપોર્ટમાં એ પણ ખુલાસો થયો છે કે હાર્દિક પંડ્યાએ મુંબઈના માલિકોને પહેલેથી જ સ્પષ્ટ કરી દીધું છે કે તે માત્ર એક શરતે મુંબઈ પાછો આવશે. એ મુંબઈના કેપ્ટન બનવાની શરત હતી. હા હાર્દિકે કહ્યું હતું કે જો તેને મુંબઈ ઈન્ડિયન્સનો કેપ્ટન બનાવવામાં આવશે તો જ તે ફરીથી ફ્રેન્ચાઈઝીમાં જોડાશે. 

વર્લ્ડ કપ 2023ની શરૂઆતમાં રોહિત શર્માને જાણ કરવામાં આવી

મુંબઈના માલિકો હાર્દિક પંડ્યા સાથે સહમત થયા અને પછી વર્લ્ડ કપ 2023ની શરૂઆતમાં રોહિત શર્માને આ વાત કહી. આ પછી હિટમેને તે ફ્રેન્ચાઇઝ પર છોડી દીધું કે તેઓ ભવિષ્ય અંગે શું નિર્ણય લેવા માંગે છે. આવું જ કંઈક થયું. IPL 2024 ની રીટેન્શન લિસ્ટ બહાર પાડવામાં આવી. હાર્દિક પંડ્યાને ગુજરાત ટાઇટન્સે કેપ્ટન તરીકે જાળવી રાખ્યો હતો. પરંતુ થોડા કલાકો પછી સમાચાર આવે છે કે હાર્દિક પંડ્યાનો ગુજરાતથી મુંબઈમાં વેપાર થઈ ગયો છે. હવે IPL 2024ની મીની ઓક્શન પહેલા તેને ટીમનો કેપ્ટન પણ બનાવવામાં આવ્યો હતો. જોકે, એ જોવું રસપ્રદ રહેશે કે રોહિત શર્મા મુંબઈ માટે IPLમાં વધુ કેટલી સિઝન રમે છે.