જ્યારે જ્યારે માવઠાથી નુકસાનીમાં સહાયની વાત આવે ત્યારે સરકાર પર હરહંમેશ સવાલ ઉઠતા જ રહ્યા છે.આ વખતે પણ સરકારે ખેડૂતો માટે સહાયનું એલાન તો કરી દીધુ પરંતુ દર વખતની જેમ સહાયનો મુદ્દો રાજકીય બનતો જઈ રહ્યો છે. કોંગ્રેસનું કહેવુ છેકે સર્વેમાં 42 હજાર 210 હેક્ટરમાં નુકસાનની વાત સરકાર જ્યારે કરી જ ચૂકી છે ત્યારે તે તમામ વિસ્તારના ખેડૂતોને સહાય કેમ ન મળી શકે? તમામને સહાય જ ન મળવાની હોય તો ખેડૂતોએ અરજી શા માટે કરવી?. એક આરોપ એ પણ છે કે જાહેર કરવામાં આવેલી સહાય અધૂરી અને અસ્પષ્ટ છે. ત્યારે અહી સવાલ એ છેકે શું ખેડૂતોની આ મૂઝવણ દૂર થશે?માવઠાથી નુકસાનમાં સહાયમાં પ્રશ્નો કેટલા છે.
- કમોસમી વરસાદથી ખેડૂતોને પારાવાર નુકસાન થયું
- રાજ્ય સરકારે સહાયની જાહેરાત કરી પણ ખેડૂતોમાં નિરાશા યથાવત
- સરકારે 13 જિલ્લાના 48 તાલુકામાં સહાયની જાહેરાત કરી છે
કમોસમી વરસાદથી ખેડૂતોને પારાવાર નુકસાન થયું. રાજ્ય સરકારે સહાયની જાહેરાત કરી પણ ખેડૂતોમાં નિરાશા યથાવત છે. સરકારે 13 જિલ્લાના 48 તાલુકામાં સહાયની જાહેરાત કરી છે. અન્ય કેટલાક જિલ્લા, તાલુકામાં નુકસાન છતાં સરવે થયો નથી અનેક તાલુકાઓમાં સરવે ન થયો હોવાનો ખેડૂતોનો આક્ષેપ કરાયો છે. સરવે કરીને સરકાર પુરતી સહાય કરે તેવી ખેડૂતોની માંગ છે.
સરકારના સરવેમાં કેટલું નુકસાન?
સરકારની સહાયને સમજો
ખેતી અને વર્ષાયુ બાગાયતી પાક
- SDRFના ધારાધોરણ મુજબ હેક્ટર દીઠ 13 હજાર 500ની સહાય
- 13 હજાર 500 ઉપરાંત સરકારના ભંડોળમાંથી 9 હજાર 500 રૂપિયા મળશે
- આ રીતે હેક્ટર દીઠ 23 હજાર રૂપિયાની સહાય મળશે
બહુવર્ષાયુ બાગાયતી પાક
- પ્રતિ હેક્ટર 18 હજાર રૂપિયાની સહાય
- સરકારના ભંડોળમાંથી વધારાના 12 હજાર 600 રૂપિયા પ્રતિ હેક્ટરની સહાય
- આ રીતે 30 હજાર 600 રૂપિયાની સહાય મળશે
નુકસાનીના માપદંડ શું?
- ઓછામાં ઓછું 33% નુકસાન થયું હશે તો જ મળશે સહાય
- ચુકવવાપાત્ર રકમ 4 હજારથી ઓછી હશે તો ન્યૂનતમ સહાય 4 હજાર સુધી મળશે
હેક્ટર દીઠ સહાયની મર્યાદા શું?
- મહત્તમ 2 હેક્ટરની મર્યાદામાં સહાય મળશે
ખેડૂતોની શું છે માગણી?
- સહાયની જાહેરાત તો થઈ પણ હજુ અનેક ગામડાઓમાં સરવે નથી થયો
- તાલુકા કે ગણ્યા ગાંઠ્યા ગામમાં જ સરવે થયો હોવાનો ખેડૂતોનો આક્ષેપ
- સરકારે સહાય પેકેજમાં કેટલાક તાલુકા બાકાત રાખતા ખેડૂતોમાં નારાજગી
- અનેક જિલ્લા અને તાલુકાઓના નામ રખાયા છે બાકાત
- સહાય અધૂરી અને અપૂરતી છે
- ખેડૂતોને કાયદા મુજબ 1 લાખ 27 હજાર 200 રૂપિયા મળવાપાત્ર છે
- SDRFના નિયમ મુજબ સહાય મળે ત્યાં મુખ્યમંત્રી કિસાન સહાય યોજના પણ લાગુ પડે
- સરકાર પાસે બધી માહિતી છે તો ઓનલાઈન અરજી શા માટે?
સહાય અંગે કોંગ્રેસે શું કહ્યું?
આ બાબતે કોંગ્રેસે કહ્યું હતું કે, સહાય અધૂરી અને અપૂરતી છે. ખેડૂતોને કાયદા મુજબ 1 લાખ 27 હજાર 200 રૂપિયા મળવાપાત્ર છે. SDRFના નિયમ મુજબ સહાય મળે ત્યાં મુખ્યમંત્રી કિસાન સહાય યોજના પણ લાગુ પડે છે. સરકાર પાસે બધી માહિતી છે તો ઓનલાઈન અરજી શા માટે?. તેમજ તાલુકા મથકે થયેલા વરસાદના આધારે સરવે થયો હતો. તાલુકાના ગામમાં વરસાદ હોય જયારે તાલુકા મથકે વરસાદ ન પણ હોય. આવા અનેક ગામ એવા છે કે જ્યાં સરવે કરવામાં નથી આવ્યો. ઉનાળુ પાકના સરવે, સહાયની જાહેરાત ક્યારે થશે?
