માન્યતા / ઘરની બહાર નીકળતા પહેલાં કયો પગ બહાર મૂકવો હિતાવહ? ડાબો કે જમણો! જાણો....

• વ્યક્તિ દરરોજ સવારથી તેનો દિવસ સારો જાય એવી આશા રાખે છે
• ઘરની બહાર નીકળતા હોઈએ તો સૌથી પહેલા કયો પગ બહાર રાખવો જોઈએ? 
• નાની-નાની વાતોને સમજીને ધ્યાનમાં રાખવાથી તમારો દિવસ શુભ રહેશે,

Good Morning: દરેક વ્યક્તિ ઈચ્છે છે કે તેના દિવસની શરૂઆત સારી રીતે થાય, વ્યક્તિ દરરોજ સવારે જ્યારે તે જાગે છે ત્યારે તે એક નવી ઉર્જા સાથે જાગે છે અને સારો દિવસ જાય એવી આશા રાખે છે. પણ શું તમે જાણો છો કે જો આપણે સવારે વહેલા ઘરની બહાર નીકળતા હોઈએ તો સૌથી પહેલા કયો પગ બહાર રાખવો જોઈએ? 

આપણે લગભગ બધે સાંભળ્યું હશે કે ઘરની બહાર નીકળતા સમયે અમુક વસ્તુનું ધ્યાન રાખવી જોઈએ, ઘરની બહાર નીકળતા સમયે મોઢું મીઠું કરીને નીકળવું જોઈએ અથવા તો દહીં ખાઈને નીકળવું જોઈએ. આ સિવાય જો કો પરીક્ષા આપવા કે બીજા કોઈ જરૂરી કામ કરવા માટે બહાર નીકળો છો તો દહીં અને ખંડ ખાવી જોઈએ. એ ખાવાની પાછળ માન્યતા છે કે દહીં-ખાંડ ખાવાથી કામમાં સફળતા મળે છે. આ દરેક નાની-નાની માન્યતાઓનો અસર આપણા જીવન પર પડે છે અને એ કામ કરવાની એનર્જીની સાથે સાથે મગજને પણ પોઝિટિવ રાખે છે. 

આ બધા સિવાય એવું પણ માનવામાં આવે છે કે જો સવારે વહેલા ઘરની બહાર નીકળો છો તો સૌથી પહેલા તમારો જમણો પગ ઘરની બહાર રાખવો જોઈએ. સૌથી પહેલા જમણો પગ ઘરની બહાર રાખવો ખૂબ જ શુભ માનવામાં આવે છે.એવું માનવામાં આવે છે કે એમ કરવાથી દિવસ સારો જાય છે આ સાથે જ જ્યારે તમે ગૃહપ્રવેશ કરો છો કે કામ કરીને ઘરમાં તમે તમારા ઘરમાં પ્રવેશ કરો છો ત્યારે પણ ઘરની અંદર જમણા પગથી પ્રવેશ કરવું જોઈએ. 

 
સાથે જ એવું માનવામાં આવે છે કે ડાબા પગને પહેલા બહાર મૂકવો એ નકારાત્મકતા દર્શાવે છે. એવામાં જો તમે પણ આ નાની-નાની વાતોને સમજીને ધ્યાનમાં રાખો તો આ કરવાથી તમારો દિવસ શુભ રહેશે, સાથે જ તમે જે પણ કામ કરવા માટે ઘરની બહાર જશો તે પણ સફળ થશે.