ટેક્નોલોજી / શું આપ પણ કરો છો Whatsapp અને Telegramનો ઉપયોગ? આ ખતરાથી રહેજો સાવધાન

સાયબર સિકયુરિટી ફર્મ સાયમેન્ટેક દ્વારા એવી ચેતવણી અપાઇ છે કે તમે આ પ્લેટફોર્મથી તમને જે ઇમેજ અને ઓડિયો ફાઇલ મોકલવામાં આવે છે તેને હેકર્સ હેક કરીને તેમાં ચેડાં કરી શકે છે. સોશિયલ મિડીયાની સિકયુરિટીમાં મિડીયા ફાઇલ જેકીંગ જેવી ખામી છે. ખાસ કરીને વોટસ એપમાં કેટલાક ફિચર્સ તમે એનેબલ કર્યા હોય તો હેકર્સનું કામ આસાન બની જાય છે.

વોટસ એપ સામાન્ય રીતે ફાઇલ્સને એકસર્નલ સ્ટોરેજમાં ઓટોમેટિક સેવ કરે છે. જયારે ટેલિગ્રામમાં તમે સેવ ટુ ગેલેરી એનેબલ કર્યું હોય ત્યારે એકસર્નલ મેમરીમાં સેવ કરે છે. આ બંને પ્લેટફોર્મમાં એવી કોઇ સિસ્ટમ નથી જે મિડીયા ફાઇલ જેકીંગ એટેકથી બચાવી શકે. હેકર્સ તેનો ઉપયોગ કરીને યુઝરને અનેક રીતે પરેશાન કરી શકે છે. તમારા પર્સનલ ફોટો અને વિડીયો હેક કરી શકે છે. આ ઉપરાંત કોર્પોરેટ ડોકયુમેન્ટ, ઇનવોઇસ, તમારા શેર કરેલા ફોટો આઇડીની ઇમેજ કે સ્કેન સહિત તમામ ફાઇલ કોપી કરી શકે છે. 

મિડીયા ફાઇલ જેકીંગથી હેકર્સ તમે રિસીવ કરેલા કે સેન્ડ કરેલા ફોટાને ફોટોશોપથી બદલી શકે છે કે મોર્ફ કરી શકે છે. દાખલા તરીકે તમે તમારા ફેમિલીનો ગ્રુપ ફોટો કોઇને મોકલો તો જયારે તે વ્યકિત રિસીવ કરે ત્યારે બની શકે કે ચહેરા બદલાઇ ગયા હોય. હેકર્સ વોટસ એપથી તમારા નામે ફેક મેસેજ પણ મોકલી શકે છે. 

વોટસ એપના ઓડિયો કોલમાં પણ હમણા એક બગ જોવા મળ્યો હતો જેના દ્વારા હેકર્સ તમારા ફોનમાં સ્પાયવેર પણ ઇન્સ્ટોલ કરી શકે છે અને તેની ખબર પણ પડતી નથી. મોબાઇલની જાસુસી કરતું આ સ્પાયવેર ઇઝરાયલની સાયબર ઇન્ટેલિજન્સ કંપની એનએસઓ ગ્રુપે બનાવ્યું હોવાનું કહેવાય છે.