આસ્થા / ચાલુ આરતીમાં અચાનક ઓલવાઈ જાય દીવડો તો ખરેખર અશુભ સંકેત? શાસ્ત્રો અનુસાર જાણો હકીકત

• દીવો પ્રગટાવવીને કોઈ પણ કામની શરૂઆત કરવામાં આવે છે 
• ઘણી વખત આરતી કરતા સમયે પ્રગટાવેલ દીવો ઓલવાઈ જાય કે બુઝાઇ જાય છે
• સાચા મને પ્રાથના ન કરવાને કારણે આવું થઈ શકે છે

આપણા હિંદુ ધર્મમાં અનેક મહાન પ્રાચીન પરંપરાઓ છે જે આજે પણ વિશ્વના કરોડો લોકોનું માર્ગદર્શન કરી રહી છે. અને આ પરંપરાઓમાંથી એક પરંપરા છે દીવો પ્રગટાવવો. ભાગ્યે જ કોઈ કાર્ય હશે જેની શરૂઆત દીવો પ્રગટાવીને ન કરવામાં આવતી હોય. એવું માનવામાં આવે છે કે દીવો પ્રગટાવવીને કોઈ પણ કામની શરૂઆત કરવાથી એ વ્યક્તિ પર દરેક દેવી-દેવતાઓની કૃપા બની રહે છે અને તેના જીવનમાંથી તમામ અંધકાર દૂર થાય છે, સાથે જ દરેક કામ પણ સારી રીતે પુર્ણ થાય છે. પણ ઘણી વખત એવું બને છે કે ક્યારેક આરતી કરતા સમયે પ્રગટાવેલ દીવો ઓલવાઈ જાય કે બુઝાઇ જાય છે. તો આ વાતને કઇ વાતનો સંકતે માનવામાં આવે છે એ વિશે વિગતવાર જણાવવા જઈ રહ્યા છીએ.

દેવી-દેવતાઓનો ગુસ્સે થવાનો સંકેત 
ધાર્મિક માન્યતાઓ અનુસાર પૂજા દરમિયાન પ્રગટાવેલ દીવો ઓલવાઈ જાય કે બુઝાઇ જાય તો તેનો અર્થનો એ છે કે દેવતાઓ તમારાથી નારાજ છે. જ્યારે આવું થાય છે ત્યારે પૂજા કરનારની મનોકામના પૂર્ણ થવામાં અવરોધ આવી શકે છે. જો આવું થાય તો હાથ જોડીને સાચા હૃદયથી ભગવાન પાસે માફી માંગવી જોઈએ અને ફરીથી દીવો પ્રગટાવી પૂજા કરવી જોઈએ. 

સાચા મને પ્રાથના ન કરવાને કારણે થઈ શકે છે આવું 
પૂજા દરમિયાન પ્રગટાવેલ દીવો ઓલવાઈ જાય કે બુઝાઇ જવાનો એક અર્થ એ છે કે વ્યક્તિ સાચા હૃદયથી ભગવાનની પૂજા નથી કરી રહ્યો. તેનું કારણ મોબાઈલનો ઉપયોગ અથવા અન્ય વસ્તુઓ પર ધ્યાન ન આપવું હોઈ શકે છે. 

કોઈ અનહોનીનો સંકેત હોય શકે 
દરમિયાન પ્રગટાવેલ દીવો ઓલવાઈ જાય કે બુઝાઇ જવાનો અર્થ પણ હોય શકે છે કે એ કોઈ અનહોનીનો થવાની નિશાની છે. એટલા માટે જ પૂજા શરૂ કરતા પહેલા તેમાં પૂરતું ઘી અને તેલ નાખીને રાખવું જોઈએ, આ સિવાય તેની વાટની લંબાઈ એકવાર તપાસવી જોઈએ.