- જ્ઞાનવાપી મસ્જિદનો સર્વે રિપોર્ટ જિલ્લા ન્યાયાધીશની કોર્ટમાં રજૂ
- સંપૂર્ણ આદેશ સીલબંધ કરવમાં રજૂ કરવામાં આવ્યો
- આગામી સુનાવણી 21 ડિસેમ્બરે હાથ ધરાશે
સોમવારે ASIએ વારાણસીના કાશી વિશ્વનાથ મંદિરની બાજુમાં આવેલી જ્ઞાનવાપી મસ્જિદનો સર્વે રિપોર્ટ જિલ્લા ન્યાયાધીશની કોર્ટમાં રજૂ કર્યો હતો. કોર્ટના આદેશ પર સંપૂર્ણ અહેવાલ સીલબંધ કવરમાં રજૂ કરવામાં આવ્યો છે. સર્વેમાં એકત્રિત સામગ્રી ડીએમને સોંપવામાં આવી છે. મુસ્લિમ પક્ષે પણ અહેવાલ અંગે અરજી દાખલ કરી છે. જેમાં કોઈપણ એફિડેવિટ વગર રિપોર્ટને સાર્વજનિક ન કરવા દેવાની માંગણી કરવામાં આવી છે. હવે આગામી સુનાવણી 21 ડિસેમ્બરે થશે.
સર્વે કરી રિપોર્ટ સીલબંધ કરવામાં રજૂ કરવા આદેશ કર્યો હતો
શ્રૃંગાર ગૌરી સહિતની મૂર્તિઓની પૂજા કરવાના અધિકારની માગણી કરતી દિલ્હીની રાખી સિંહ સહિત પાંચ મહિલાઓ દ્વારા દાખલ કરવામાં આવેલી અરજીની સુનાવણી દરમિયાન જિલ્લા અદાલતે ASI દ્વારા જ્ઞાનવાપી સંકુલનો વૈજ્ઞાનિક સર્વે કરવાનો આદેશ આપ્યો હતો. જિલ્લા ન્યાયાધીશની અદાલતે ASIને સર્વે કરીને સીલબંધ કવરમાં રિપોર્ટ રજૂ કરવાનો આદેશ આપ્યો હતો. અગાઉ આ રિપોર્ટ ઓક્ટોબરમાં જ રજૂ કરવાનો હતો. પરંતુ વરસાદ અને અન્ય કારણોને ટાંકીને ASI રિપોર્ટ સબમિટ કરવા માટે સમય માંગતો રહ્યો.
કોર્ટે સર્વે કરવા માટે 28 દિવસનો સમય આપ્યો હતો
વારાણસી જિલ્લા ન્યાયાધીશના આદેશ પર 24 જુલાઈના રોજ સર્વેક્ષણ શરૂ કરવામાં આવ્યું હતું. પરંતુ મામલો સુપ્રીમ કોર્ટ અને પછી હાઈકોર્ટ પહોંચે તે પહેલા જ અટકી ગયો હતો. આ પછી, 4 ઓગસ્ટના રોજ ફરીથી સર્વે શરૂ થયો અને 16 નવેમ્બર સુધી ચાલુ રહ્યો. જિલ્લા ન્યાયાધીશનો આદેશ મળતાની સાથે જ ASIની ટીમે 24 જુલાઈના રોજ સર્વે શરૂ કર્યો. જો કે, મુસ્લિમ પક્ષ એટલે કે અંજુમન ઈન્તેજામિયા મસ્જિદ કમિટી સર્વેના વિરોધમાં સુપ્રીમ કોર્ટમાં પહોંચી હતી. આ પછી તે જ દિવસે એટલે કે 24મીએ સાંજે સુપ્રીમ કોર્ટે સર્વે પર પ્રતિબંધ લગાવી દીધો હતો. આ પછી જ્ઞાનવાપી સર્વેને અલ્હાબાદ હાઈકોર્ટ અને પછી સુપ્રીમ કોર્ટની મંજૂરી મળી. દેશભરના ASI નિષ્ણાતોએ 4 ઓગસ્ટથી સર્વેની શરૂઆત કરી હતી. કર્યું. 4 ઓગસ્ટથી શરૂ થયેલો સર્વે 16 નવેમ્બરે પૂર્ણ થયો હતો. વારાણસી કોર્ટે શરૂઆતમાં સર્વે માટે 28 દિવસનો સમય આપ્યો હતો. જે બાદ ASIની માંગણી પર કોર્ટે સર્વેનો સમય ત્રણ વખત લંબાવ્યો હતો.
