બમ બમ ભોલે / જૂનાગઢમાં બમ બમ ભોલે: આ અખાડા એટલે શું?, શાસ્ત્ર-શસ્ત્રનો પારંગત ઈતિહાસ, આવી રીતે થઈ શરૂઆત

જૂનાગઢ માં ચાલતા મહાશિવરાત્રિ મેળાનો પ્રારંભ થતાં જ આપને અહીં નાગાસાધુઓની જમાતના દર્શન થશે.... મહાશિવરાત્રિ પર્વે પર ગિરનાર પર બિરાજમાન 33 કોટી દેવતાઓ ,64 જોગનીઓ અને નવનાથના બેસણા છે જેના દર્શન કરવા નાગાસાધુઓ આ મેળા માં આવે છે.. આજે  અહીં સમષ્ટિ ભોજન પ્રથમ વખત યોજાયું છે જેમાં ત્રણે અખાડાના સંતો મહંતો,સભાપતીઓ સમગ્ર સાધુ ગણ પ્રસાદ લેવા આવ્યા છે અને સતાધારના ધણીની ખ્યાતિ પામેલા એવા આપા ગીગાના ઓટલે આ ભોજનનું આયોજન થયું છે. મહાશિવરાત્રિ પર્વે માં પ્રથમ વખત જ સમષ્ટિ ભોજનમાં તમામ સાધુ સંતોના દર્શનનો લ્હાવો પણ ભક્તો મેળવી રહ્યા છે 

કુલ 13 અખાડા હોય છે

આ સાધુઓની એક ઓળખ છે એક પરંપરા છે.સંસાર ત્યાગી સન્યાસ લે છે ત્યારે નવુંનામાભિધાન કરે છે જે તેના ગુરુ અને અખાડાની ઓળખ બને છે. આ અખાડા માં પંચ અગ્નિ અખાડા ,જૂના દશનામ અખાડા અને આહવાન અખાડા મુખ્ય છે . કુલ 13 અખાડા હોય છે જેમાંથી જૂનાગઢમાં ત્રણ અખાડાઓના સંતો અચૂક આવે છે. શસ્ત્રો અને શાસ્ત્રોના અભ્યાસ સાથે સન્યાસનું શિક્ષણ અપાય છે. નાગાસાધુઓ સમય આવ્યે ધર્મની અને દેશની રક્ષા માટે શસ્ત્રો પણ ચલાવી જાણે છે. વિવિધ અખાડાઓમાં ગુરુઓ પાસેથી સાધુ સંતો શાસ્ત્ર-શસ્ત્રનો અભ્યાસ કરી પારંગત બન્યા હોય છે.  આ પરંપરા વૈદિક કાલ થી ચાલી આવે છે.

આ પણ વાંચોઃ ભવનાથના મેળાને લઇ રોશનીથી ઝળહળી ઉઠ્યું જૂનાગઢ, એક જ દિવસમાં દોઢથી બે લાખ લોકો ઉમટ્યાં

આદિ શંકરાચાર્યએ આથમી સદીમાં 13 અખાડા બનાવ્યા હતા. આજ સુધી તે અખાડા કાયમ છે. અન્ય કુંભ મેળામાં બધા અખાડા એક સાથે સ્નાન કરે છે, પણ નાસિકના કુંભમાં વૈષ્ણવ અખાડા નાસિકમાં અને શૈવ અખાડા ત્ર્યંબકેશ્વરમાં સ્નાન કરે છે. આ વ્યવસ્થા પેશવાના સમયમાં શરુ કરવામાં આવી જે ઈ.સ. 1772 થી ચાલી રહી છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો