- એમેઝોન પ્રાઈમ વિડીયોએ વધુ એક ક્રાઈમ ડ્રામા સીરિઝની જાહેરાત કરી
- 14 સપ્ટેમ્બરના રોજ 240 દેશમાં પ્રીમિયર કરવામાં આવશે
- બંબઈ મેરી જાનના ગ્લોબપલ પ્રીમિયરની જાહેરાત
એમેઝોન પ્રાઈમ વિડીયોએ વધુ એક ક્રાઈમ ડ્રામા સીરિઝ, બંબઈ મેરી જાનના ગ્લોબલ પ્રીમિયરની જાહેરાત કરી છે. આ સીરિઝ 10 એપિસોડની છે. 14 સપ્ટેમ્બરના રોજ 240 દેશમાં આ સીરિઝનું પ્રાઈમ વિડીયો પર પ્રીમિયર કરવામાં આવશે. આ સીરિઝ રિતેશ સિધવાની, કાસિમ જગમગિયા અને ફરહાન અખ્તરે નિર્મિત કરવામાં આવી છે.
આ સીરિઝમાં અમાયરા દસ્તૂર મુખ્ય પાત્ર ભજવી રહ્યા છે. આ સીરિઝમાં કે.કે. મેનન, અવિનાશ તિવારી, કૃતિકા કામરા અને નિવેદિતા ભટ્ટાચાર્ય જેવા કલાકાર એક્ટિંગ કરતા જોવા મળશે. આ એક ફિક્શનલ ક્રાઈમ સીરિઝ છે. જેમાં પિતા અને પુત્રની મનોરંજક કહાની દર્શાવવામાં આવી છે. બંને એક જ સિક્કાની બે બાજુ છે. આ સીરિઝ આઝાદી પછીના દિવસો પર આધારિત છે. આ કહાનીમાં યુવા, દારા કાદરીના જીવન અને ઉત્થાનને દર્શાવે છે.
પ્રાઈમ વિડીયોમાં ઓરિજિનલ્સ હેડ અપર્ણા પુરોહિતે જણાવ્યું છે કે, ‘બંબઈ મેરી જાન સપના અને મહત્ત્વાકાંક્ષાની રસપ્રદ કહાની છે. જે સત્તા માટેની અસીમિત ભૂખને દર્શાવે છે. આ કહાની સિમ્ફનીની જેમ છે, જે મુખ્ય પાત્રોના વિચાર અને લાગણીને દર્શાવે છે. અમને વિશ્વાસ છે કે, ભારત સહિત સમગ્ર વિશ્વમાં લોકોને આ કહાની પસંદ આવશે.’
એક્સેલ મીડિયા એન્ડ એન્ટરટેઈનમેન્ટના રિતેશ સિધવાની જણાવે છે કે, ‘બંબઈ મેરી જાન એક આઝાદ રાષ્ટ્રની પૃષ્ઠભૂમિ પર મુંબઈમાં અંડરવર્લ્ડની કહાની દર્શાવે છે. દર્શકોને એન્ટરટેઈનિંગ ગેંગસ્ટર થ્રિલર જોવા મળશે. સમગ્ર વિશ્વમાં દર્શકો માટેના વિચારને ઉડાન આપનાર સીરિઝ દર્શાવવા માટે પ્રાઈમ વિડીયો સાથે ફરીથી કામ કરવા માટે ખૂબ જ ખુશ છીએ.’
શોના નિર્માતા શુજાત સોદાગર જણાવે છે કે, ‘બંબઈ મેરી જાન નેચર vs પાલન-પોષણની જટિલતા સાથે સંબંધિત છે. આ કારણોસર મને હંમેશા થીમ બેઝ્ડ સાથે જોડાયેલ કહાની પસંદ આવે છે. બંબઈ મેરી જાન એક એવા પરિવારની ગાથા છે, જે આઝાદ મુંબઈમાં વિકાસની સાથે સાથે પરેશાની અને મુશ્કેલ અનુભવોની મદદથી આગળ વધી રહ્યો છે. અમે તે સીરિઝ માટે દર્શકોની પ્રતિક્રિયા જાણવા માટે આતુર છે.’
