VTV IMPACT / VTVના અહેવાલની અસર, ગુજરાતનાં મુસાફરોને ST ડેપો પર મળશે આ જોરદાર સુવિધા: હર્ષ સંઘવીએ આપી સૂચના

• VTV NEWSના અહેવાલની અસર 
• ST ડેપો પર વેઈટિંગ ડીલક્ષ રૂમ ખોલાયા
• નવું બસસ્ટોપ બન્યું ત્યારથી ડીલક્ષ રૂમ હતા બંધ

અમદાવાદ ST નિગમ વીટીવીના અહેવાલ બાદ જાગ્યું છે. ગીતા મંદિર ST ડેપો ખાતે બનાવેલા વેઇટિંગ ડીલક્ષ રૂમ ઘણાં સમયથી બંધ હાલતમાં હતું જેને લઈ VTV NEWSએ અહેવાલ પ્રસારિત કર્યો હતો ત્યારે બાદ અહેવાલની અસર થઈ છે અને અત્યારે વેઇટિંગ ડીલક્ષ રૂમ ખોલવામાં આવ્યું છે.

ડીલક્ષ રૂમ શરૂ કરાયા 
VTVના અહેવાલ બાદ વાહનવ્યવહાર મંત્રાલયે કડક આદેશ આપ્યા છે અને તમામ ડીલક્ષ રૂમ શરૂ કરાયા છે. વાહનવ્યવહાર મંત્રી હર્ષ સંઘવીની સૂચનાથી ડીલક્ષ રૂમ તાત્કાલિક શરૂ કરવામાં આવ્યા છે. અત્રે તમને જણાવી દઈએ કે, બસસ્ટેન્ડ બન્યું ત્યારથી ડીલક્ષ રૂમને તાળા મારેલા હતા અને વેઇટિંગ લોજ હોવા છતાં ઉપયોગ થઇ શકતો ન હતો. જો કે, જે સમગ્ર બાબતે VTV NEWSએ અહેવાલ પ્રસારિત કર્યો હતો ત્યાર બાદ તંત્ર હરકતમાં આવ્યું છે.

મંત્રી હર્ષ સંઘવીએ તાત્કાલિક સૂચનાઓ આપી
રાજ્યના બસ સ્ટેશનમાં ઉપલબ્ધ  ડીલક્ષ રૂમ શરૂ કરવા માટે મંત્રી હર્ષ સંઘવીએ તાત્કાલિક સૂચનાઓ આપી છે. જો કે, રાજ્યના ઘણાં બસ સ્ટેશનમાં ડીલક્ષ રૂમ હોવા છતાં બંધ હોય છે ત્યારે જેને લઈ VTV NEWSએ અમદાવાદના બસ સ્ટેશનનો રિયાલીટિ ચેક કર્યું હતું અને ત્યાં પણ ડીલક્ષ રૂમ પણ વર્ષોથી બંધ હતું જેને લઈ અહેવાલ પ્રસારિત કરાયો હતો જે અહેવાલના પડઘા પડ્યાં છે.