લાગણીશીલ / અમે સપનું પૂરું કરી શક્યા નહીં... વર્લ્ડ કપમાં હાર બાદ ઈમોશનલ થયો કોહલી, લોકોને કહી દિલની વાત

• ટી20 વર્લ્ડ કપની સેમી ફાઈનલમાં ભારતની શરમજનક હાર
• ટીમ ઈન્ડિયા ટી20 વર્લ્ડ કપમાંથી થયુ આઉટ
• સ્ટાર બેટર વિરાટ કોહલીએ પોતાના દિલની વાત લખી 

હવે ફાઈનલમાં ઈંગ્લેન્ડની પાકિસ્તાન સામે ટક્કર થશે 

ટી20 વર્લ્ડ કપની સેમી ફાઈનલમાં ઈંગ્લેન્ડ સામે ભારત હાર્યા બાદ વિરાટ કોહલીએ પોતાના દિલની વાત લખી છે. વિરાટના શબ્દો પરથી અંદાજ લગાવી શકાય છે કે તેઓ કેટલા નિરાશ અને ભાવુક થઇને સ્વદેશ પાછા ફરી રહ્યાં છે. ભારતીય ટીમે ગુરૂવારે એડિલેડ ઓવલ મેદાનમાં રમાયેલ ટુર્નામેન્ટની બીજી સેમી ફાઈનલ મેચમાં ઈંગ્લેન્ડ તરફથી 10 વિકેટથી હારનો સામનો કર્યો. તો હવે ફાઈનલમાં મેલબર્નમાં 13 નવેમ્બરે ઈંગ્લેન્ડની પાકિસ્તાન સામે ટક્કર થશે. 

એડિલેડમાં મળી શરમજનક હાર

ભારતીય ટીમે ઓલરાઉન્ડર હાર્દિક પંડ્યા અને વિરાટ કોહલીના દમ પર 6 વિકેટ ગુમાવીને 168 રન બનાવ્યાં. હાર્દિકે 33 બોલમાં 63 જ્યારે વિરાટે 40 બોલમાં 50 રનનુ યોગદાન આપ્યુ. ત્યારબાદ ઈંગ્લેન્ડે કોઈ વિકેટ ગુમાવ્યાં વગર 16 ઓવરમાં લક્ષ્ય પ્રાપ્ત કર્યુ. કેપ્ટન જોસ બટલરે 80 અને એલેક્સ હેલ્સે 86 રન બનાવ્યાં અને બંને નોટઆઉટ રહ્યાં. 

વિરાટે શું લખ્યું?

ભારતીય ટીમના પૂર્વ કેપ્ટન વિરાટ કોહલી પણ તમામ ક્રિકેટ પ્રેમીઓની જેમ વધુ નિરાશ દેખાયા. તેમણે ટ્વિટર પર ટીમની સાથે પોતાની એક તસ્વીર પોસ્ટ કરી. જેમાં બધા ખેલાડી રાષ્ટ્રગીત માટે ઉભા રહેલા જોઇ શકાય છે. વિરાટે લખ્યું, અમે અમારા સપનાને પ્રાપ્ત કર્યા વગર જ દિલમાં નિરાશાની સાથે ઓસ્ટ્રેલિયા છોડી રહ્યાં છે, પરંતુ અમે એક ગ્રુપના રૂપમાં અનેક યાદગાર પળોને પાછી લઇ જઇ રહ્યાં છે. અમે અહીં સારું હોવાનુ લક્ષ્ય રાખીએ છીએ. 

We leave Australian shores short of achieving our dream and with disappointment in our hearts but we can take back a lot of memorable moments as a group and aim to get better from here on. pic.twitter.com/l5NHYMZXPA

— Virat Kohli (@imVkohli) November 11, 2022