VIDEO / INDvsSA: ટીમને વિકેટ અપાવવા વિરાટ કોહલીએ અપનાવ્યો જોરદાર ટોટકો, કર્યું એવું કે આગલી જ ઓવરમાં બુમરાહે જ્યોર્જીને કરી દીધો પવેલિયન ભેગો

• સેન્ચુરિયનના સુપરસ્પોર્ટ પાર્કમાં ભારત અને દક્ષિણ આફ્રિકા વચ્ચે ટેસ્ટ મેચ
• ભારતીય ટીમ રમતના બીજા દિવસે તેની પ્રથમ ઇનિંગમાં 245 રન બનાવ્યા
• 27મી ઓવર પછી વિરાટ કોહલીએ અચાનક સ્ટમ્પની બેલ બદલી નાખી

સેન્ચુરિયનના સુપરસ્પોર્ટ પાર્કમાં ભારત અને દક્ષિણ આફ્રિકા વચ્ચે 2 મેચોની ટેસ્ટ શ્રેણીની પ્રથમ મેચ રમાઈ રહી છે. આ મેચમાં ભારતીય ટીમ રમતના બીજા દિવસે તેની પ્રથમ ઇનિંગમાં 245 રન સુધી મર્યાદિત હતી. દક્ષિણ આફ્રિકાની શરૂઆત ખરાબ રહી હતી પરંતુ ડીન એલ્ગર અને ટોની ડી જોર્જી વચ્ચે બીજી વિકેટ માટે 93 રનની ભાગીદારી થઈ હતી. જસપ્રીત બુમરાહે આ જોડી તોડીને ભારતને મેચમાં બીજી સફળતા અપાવી હતી. જો કે, આ વિકેટ પહેલા વિરાટ કોહલીએ કંઈક એવું કર્યું જેણે બધાનું ધ્યાન ખેંચ્યું.

pic.twitter.com/tdMCmSJ5Wa

— Cricket Videos (@cricketvid123) December 27, 2023

વિરાટના બેલ બદલતા ભારતને બીજી સફળતા મળી

આ મેચમાં જ્યારે સાઉથ આફ્રિકા પોતાની પ્રથમ ઇનિંગમાં બેટિંગ કરવા મેદાન પર આવ્યું ત્યારે તેને પહેલો ફટકો 11 રનના સ્કોર પર એડન માર્કરમના રૂપમાં લાગ્યો હતો, જે મોહમ્મદ સિરાજના બોલ પર માત્ર 5 રન બનાવીને આઉટ થયો હતો. આ પછી, પોતાની ત્રીજી ટેસ્ટ મેચ રમી રહેલા ટોની ડી જોર્જી ડીન એલ્ગર સાથે બેટિંગ કરવા આવ્યા અને પ્રથમ સત્રના અંત સુધી ભારતને વધુ વિકેટ ન લેવા દીધી. આ પછી બીજા સેશનમાં જોડીએ ઝડપથી રન બનાવવાનું શરૂ કર્યું અને ટૂંક સમયમાં જ દક્ષિણ આફ્રિકાનો સ્કોર 100ને પાર કરી ગયો. દરમિયાન 27મી ઓવરના અંત પછી વિરાટ કોહલીએ અચાનક સ્ટમ્પની બેલ બદલી નાખી. આ પછી 28મી ઓવર નાખવા આવેલા જસપ્રીત બુમરાહે છઠ્ઠા બોલ પર ટોની ડી જોર્જીની વિકેટ લીધી, જે 62 બોલમાં 28 રન બનાવીને પેવેલિયન પરત ફર્યો.

Black Magic With Bails By Virat Kohli At Centurion. 😁⭐#ViratKohli𓃵 #ViratKohli #ViratGang #INDvsSA #AUSvPAK #IndianCricketTeam #Leo2 #vijayakanth #VladimirPutin #Russia #RatanTata #NJDevils #விஜயகாந்த் #RipVijayakanth #RIPCaptain Putin #India #BabarAzam𓃵 #PakistanCricketTeam pic.twitter.com/H5N4vRxYYL

— shahbaz inamdar (@shahbazina35181) December 28, 2023

સ્ટુઅર્ટ બ્રોડે એશિઝ 2023માં પણ કંઈક આવું કર્યું હતું

વિરાટ કોહલીએ જે રીતે બેલની અદલાબદલી કરી તે ઇંગ્લેન્ડના ભૂતપૂર્વ ફાસ્ટ બોલર સ્ટુઅર્ટ બ્રોડે પ્રથમ એશિઝ 2023માં કર્યું હતું. આ પછી તે જ મેચમાં માર્નસ લાબુશેને તેની આગલા જ બોલ પર માર્ક વુડને વિકેટ આપી દીધી. તમને જણાવી દઈએ કે ડીન એલ્ગરે દક્ષિણ આફ્રિકા માટે આ મેચમાં શાનદાર સદી ફટકારી છે, જેના કારણે તેની ટીમ મજબૂત સ્થિતિમાં જોવા મળી રહી છે.