- સોશિયલ મીડિયા પર વાયરલ થયો હૃદય થંભાવી દે તેવો વીડિયો
- જીવતી ગરોળી પકડીને ખાવા લાગ્યું બાળક
- બાળકને ગરોળી ખાતા જોઈ માંએ પાડી ચીસ
સોશિયલ મીડિયા પર વાયરલ થયો હૃદય થંભાવી દે તેવો વીડિયો
નાના બાળકોને સાચા ખોટામાં ફરક સમજાતો નથી. બાળકોને સાચું-ખોટું સમજાવવું તથા દુનિયાદારીની સમજ આપવી એ માતા-પિતાની ફરજ હોય છે. બાળકોને તમે ઘણું બધું મોંમાં નાખતા જોયા હશે. તેમને ખબર નથી હોતી કે શું ખાવું જોઈએ અને શું ન ખાવું જોઈએ. ઘણી વાર બાળકો એવી વસ્તુ પણ ખાવા લાગે કે, જે ઝેરી હોય શકે છે.
જીવતી ગરોળી મોંમાં નાખવા લાગ્યું બાળક
આજકાલ સોશિયલ મીડિયા પર એક વીડિયો ઝડપથી વાયરલ થઇ રહ્યો છે. આ વીડિયો જોઇને તમારા રૂંવાડા ઉભા થઇ જશે. વીડિયોમાં એક નાનું બાળક જીવતી ગરોળી પકડીને ખાવાની કોશિશ કરે છે, જે જોઇને બાળકની માં ચીસ પાડવા લાગે છે. વીડિયોમાં જોઈ શકાય છે કે એક નાનું બાળક જીવતી ગરોળી જુએ છે અને પછી તેને પકડીને અચનક મોંમાં નાંખવા લાગે છે. આ જોવામાં ભયાવહ લાગી શકે છે.
વીડિયોમાં જોઈ શકાય છે કે એક માં પોતાના બાળકને લઈને ઉભી હોય છે. આ દરમિયાન ત્યાં એક વ્યક્તિ આવે છે. આ વ્યક્તિનાં ટી-શર્ટ પર એક જીવતી ગરોળી ચાલતી જોવા મળે છે. તે વ્યક્તિ માંના ખોળામાં બેઠેલા બાળકને ગરોળી બતાવે છે. ત્યાર બાદ બાળક સમજ્યા વિચાર્યા વગર તરત જ આ ગરોળીને પકડી લે છે અને અચાનકથી મોંમાં નાંખવા લાગે છે. આ જોઇને તેની માં ચીસો પાડવા લાગે છે.
એક સેકન્ડનું મોડું થયું હોત, તો બાળકે ગરોળી ખાઈ લીધી હોત
વીડિયોમાં જોઈ શકાય છે કે માં તરત જ બાળકનો હાથ પકડી લે છે. આ દરમ્યાન 1 સેકન્ડ પણ જો મોડું થયું હોત, તો આ બાળક ગરોળી ખાઈ જ ગયો હોત. વીડિયોને ઇન્સ્ટાગ્રામ પર thesceneryplace નામના અકાઉન્ટ પર શેર કરવામાં આવ્યો છે. વીડિયો એટલો ઝડપથી વાયરલ થઇ રહ્યો છે કે અત્યાર સુધી 43 મિલિયનથી વધારે વ્યૂઝ મળી ચુક્યા છે. જ્યારે 10 લાખથી વધારે લોકોએ વીડિયો લાઈક કર્યો છે.
