- ભારતીય ક્રિકેટ ટીમના પૂર્વ કેપ્ટન મહેન્દ્રસિંહ ધોનીનો જન્મદિવસ
- મહેન્દ્રસિંહ ધોનીએ તેમના ચાહકોનું ઘરની છત પરથી અભિવાદન જીલ્યું
- ચાહકો તેઓને શુભેચ્છા પાઠવી
દુનિયા જેની અનોખી ફેન છે તેવા ભારતીય ક્રિકેટ ટીમના પૂર્વ કેપ્ટન મહેન્દ્રસિંહ ધોનીનો આજે યશસ્વી જન્મદિવસ છે. તેઓએ જીવનના 42 વર્ષ પૂર્ણ કર્યા છે. આજે ધોનીના જન્મદિવસ નિમિત્તે હૈદરાબાદમાં ધોનીનો 55 ફૂટ કટ આઉટ અને આંધ્રપ્રદેશમાં 77 ફૂટનો કટ આઉટ મુકવામાં આવ્યો છે. આ ઉપરાંત અનેક લોકોએ તેમને શુભેચ્છા પાઠવી છે જે તેમનો ચાહક વર્ગ વિશાળ હોવાનું પુરવાર કરે છે. આજે જન્મદિવસ નિમિત્તે મહેન્દ્રસિંહ ધોનીએ તેમના ચાહકોનું પોતાના ઘરની છત પરથી અભિવાદન જીલ્યું હતું.
ક્રિકેટ જગતના ખેલાડીઓ અને ચાહકો દ્વારા શુભેચ્છા
આંતરરાષ્ટ્રીય ક્રિકેટમાંથી વિદાય લીધા ને બે વર્ષ જેટલો સમય વિતવા છતાં પણ તેમના ચાહકોની સંખ્યામાં ઉની આંચ આવી નથી. 7 જુલાઈ 1981 ના રોજ રાંચીમાં મહેન્દ્રસિંહ ધોનીનો જન્મ થયો હતો. તેઓએ ભારતીય ક્રિકેટ ટીમનું સુકાન સારી રીતે સાંભળ્યું હોવાથી ટીમના ખેલાડીઓ, પૂર્વ ખેલાડીઓ ક્રિકેટ જગતના માંધાતાઓ તેમને શુભેચ્છા પાઠવી રહ્યા છે. જેમાં સચિન તેંડુલકર, હરભજન સિંઘ, અને વીરેન્દ્ર સેહવાગ સહિત વિશ્વભરના ક્રિકેટ જગતના ખેલાડીઓ અને ચાહકો તેઓને શુભેચ્છા પાઠવી રહ્યા છે.
સોશિયલ મીડિયા પર એક વિડીયો વાયરલ
જન્મદિવસના આ શુભ અવસર પર ધોનીની એક ઝલક જોવા માટે તેમના ફ્રેન્ડ્સ ઘરની બહાર ટોળે ટોળાં એકઠા થયા હતા. જોકે આ અવસર પર તેમના સુપરસ્ટાર એ ફેન્સને નિરાશ થવા દીધાના હતા.મહેન્દ્રસિંહ ધોની એકાએક પોતાના ઘરની છત પર ઉભા રહ્યા હતા. ચાહકોને હાથ થકી અભિવાદન કરતા જોવા મળી રહ્યા છે. મહત્વનું છે કે અત્યાર સુધી આ પ્રકારનો અભિવાદન મોટાભાગે ફિલ્મોમાં જોવા મળ્યું હતું પરંતુ પૂર્વ કેપ્તન ધોનીનો જલવો પણ સ્ટારથી કમ નથી. સોશિયલ મીડિયા પર એક વિડીયો વાયરલ થયો છે જેમાં મહેન્દ્રસિંહ ધોની પોતાના ઘરની છત પર ઉભા છે.
