અમાનવીય / VIDEO : દિલ્હીની લેડી ઈન્સ્પેક્ટરને પોલીસનો 'પાવર ચડ્યો', ઘરમાં વૃદ્ધ સસરાને ધડાધડ ઝીંક્યા લાફા

• દિલ્હીની લેડી સબ ઈન્સ્પેક્ટરની નિર્દયી કરતૂત
• વૃદ્ધ સસરાને જોરદાર માર માર્યો
• વીડિયો વાયરલ થયા બાદ પોલીસે કેસ દાખલ કર્યો

દિલ્હીમાં લક્ષ્મીનગર વિસ્તારમાં એક લેડી સબ ઈન્સપેક્ટરે ઘરમાં જ સસરાને મારી માર્યાનો એક વીડિયો વાયરલ થયા બાદ તેની સામે પોલીસ કેસ દાખલ કરવામાં આવ્યો હતો. આ આખી ઘટના સીસીટીવી કેમેરામાં કેદ થઈ ગઈ હતી. 

ઉગ્ર બોલાચાલી બાદ સબ ઈન્સ્પેક્ટરનો પિત્તો ગયો
હુમલા પહેલા લેડી ઈન્સપેક્ટરની પોતાના સસરા સાથે ઉગ્ર બોલાચાલી થઈ હતી. બોલાચાલી વખતે મહિલાની માતા પણ હાજર હતી. આથી ઉશ્કેરાયેલી સબ ઈન્સ્પેક્ટરે વૃદ્ધ સસરાને ધડાધડ લાફા ઝીંકી દીધા હતા આ દરમિયાન તેની માતા જોઈ રહી હતી પરંતુ પુત્રીને આવું ન કરવાનો ઠપકો આપ્યો નહોતો. ઉલટાનું તે મહિલા પણ તેની પુત્રીને સસરા પર હુમલાનું પ્રોત્સાહન આપી રહી હતી. 

#WATCH | Case registered under section 323/427 IPC after a video of Sub-Inspector thrashing her in-laws in Delhi's Laxmi Nagar went viral. Info shared with concerned authority to take suitable departmental action against the erring police official: Delhi Police

(CCTV Visuals) pic.twitter.com/VUiyjVtZQl

— ANI (@ANI) September 5, 2022

સસરાને કેમ માર માર્યો
દિલ્હીના ડિફેન્સ કોલોની પોલીસ સ્ટેશનમાં તહેનાત લેડી સબ ઈન્સ્પેક્ટર અને તેના સસરા વચ્ચે કોર્ટમાં લડાઈ ચાલી રહી છે. આ વાતે તેમની વચ્ચે રવિવારે વિવાદ થયો હતો અને તેથી તેણે સસરાને માર માર્યો હતો. 

વાયરલ વીડિયો બાદ પોલીસ કાર્યવાહી
આ ઘટનાનો વીડિયો વાયરલ થયા બાદ પોલીસે ત્વરિત એક્શન લઈને સબ ઈન્સ્પેક્ટરની સામે પોલીસ કેસ દાખલ કર્યો હતો.