- કેન્દ્રએ વાઈબ્રન્ટ વિલેજ પ્રોગ્રામને આપી મંજૂરી
- કેન્દ્રીય મંત્રી અનુરાગ ઠાકુરે આપી સંપૂર્ણ માહિતી
- સીમાડાનાં ગામોનાં વિકાસ માટે 4800 કરોડની ફાળવણી
મોદી કેબિનેટે બુધવારે એક મોટો નિર્ણય લીધો છે. મંત્રીમંડળની બેઠક બાદ કેન્દ્રીય સૂચના પ્રસારણ મંત્રી અનુરાગ ઠાકુરે જણાવ્યું સરકાર સહકારી સમિતિઓને મજબૂત કરશે. વિવિધ ઉદેશ્યોને પૂરાં કરવા માટે પાંચ વર્ષમાં 2 લાખ પ્રાથમિક કૃષિ સહકારી સાખ સમિતિ- ડેરી- મત્સ્ય સહકારી સમિતિઓ ગઠીત કરવાનું લક્ષ્ય રાખવામાં આવ્યું છે.
વાઈબ્રન્ટ વિલેજ પ્રોગ્રામ માટે 4800 કરોડની ફાળવણી
તેમણે જણાવ્યું કે સીમાઓને વધુ મજબૂત કરવા માટે વાઈબ્રન્ટ વિલેજ પ્રોગ્રામને મોદી સરકારે મંજૂરી આપી દીધેલ છે. આ અંતર્ગત દેશની ઉત્તરી સીમાઓ પર વસેલા ગામડાંઓનાં ઈન્ફ્રાસ્ટ્રક્ચરનો વિકાસ કરવામાં આવશે. આ માટે 4800 કરોડ રૂપિયા ફાળવવામાં આવ્યાં છે.
સંપૂર્ણ ખર્ચ કેન્દ્ર સરકાર કરશે...
અનુરાગ ઠાકુરે જણાવ્યું કે લદ્દાખ, જમ્મૂ-કાશ્મીર, હિમાચલ પ્રદેશ, ઉત્તરાખંડ, સિક્કિમ અને અરૂણાચલ પ્રદેશનાં કુલ 19 જિલ્લાઓનાં 2966 ગામડાઓમાં રોડ અને અન્ય ઈન્ફ્રાસ્ટ્રક્ચરને મજબૂત કરવામાં આવશે. આ બોર્ડર એરિયા ડેવેલોપ્મેન્ટ પ્રોગ્રામથી અલગ રહેશે. કેન્દ્રીય મંત્રીએ જણાવ્યું કે સમગ્ર ખર્ચ કેન્દ્ર સરકાર તરફથી જ કરવામાં આવશે.
સિંકુલના ટનલને પણ મળી લીલીઝંડી
મોદી કેબિનેટે સિંકુલના ટનલનાં નિર્માણને પણ મંજૂરી આપી છે. જેનાથી લદ્દાખ માટે ઑલ વેધર રોડ કનેક્ટિવિટી મળી શકશે. તેની લંબાઈ 4.8 કિ.મી હશે. 1600 કરોડનો કુલ ખર્ચ કરવામાં આવશે. આ પ્રોજેક્ટથી સૈન્ય બળોની જમીની મૂવમેંટ પણ વધશે. અનુરાગ ઠાકુરે જણાવ્યું કે ITBPનાં ચીન સીમાની દેખરેખ માટે સાત નવી બટાલિયન બનાવવામાં આવશે. આ સાથે જ એક ઓપરેશનલ બેઝ પણ બનાવવામાં આશે જેમાં 9,400 સૈનિકોને તૈનાત કરવામાં આવશે.
