- મનીષ સિસોદીયા 6 કલાક જેલની બહાર આવ્યાં
- કોર્ટે બીમાર પત્નીને મળવા માટે રાહત આપી
- પત્ની સીમાને ભેટવાનો સિસોદીયાનો ફોટો કેજરીવાલ શેર કર્યો
- સોશિયલ મીડિયામાં લોકોની કોમેન્ટ, દારુ કૌભાંડ કરતા પહેલા વિચાર કરવો જોઈતો હતો
દિલ્હીના મુખ્યમંત્રી અને આમ આદમી પાર્ટી (આપ)ના સંયોજક અરવિંદ કેજરીવાલ મનીષ સિસોદિયાએ તેમના ઘરે થોડો સમય વિતાવ્યા પછી નીકળતી વખતે તેમની પત્નીને ગળે લગાવતો એક ફોટો શેર કર્યો છે. કેજરીવાલે ટ્વિટમાં કહ્યું કે, "આ તસવીર ખૂબ જ દર્દનાક છે. તેમણે એમ પણ પૂછ્યું હતું કે, દેશના ગરીબ બાળકોને આશા આપનાર વ્યક્તિ સાથે આવો અન્યાય કરવો યોગ્ય છે કે નહીં.
દિલ્હી કોર્ટે સિસોદીયાને પત્નીને મળવા 6 કલાક જેલમાંથી છોડ્યાં
શનિવારે દિલ્હીની સાકેત કોર્ટે સિસોદીયાને પત્ની સીમાને મળવા માટે 6 કલાકનો સમય આપ્યો હતો જે પછી તેઓ ઘેર આવ્યાં હતા અને પત્ની સીમા સાથે છ કલાક સમય વિતાવ્યો હતો. તેઓ જ્યારે પત્નીને મળીને પાછા જતા હતા ત્યારે ખૂબ ભાવુક થઈ ગયા હતા અને લગભગ રડવા જેવા થઈ ગયા હતા. તેમની પત્ની પણ રડી પડી હતી. તેઓ પત્નીને છેલ્લી વાર ભેટ્યાં હતા આ દરમિયાન તેમની આંખમા આંસુ આવી ગયા હતા. સિસોદીયાએ પત્ની સીમા સાથે છોટી દિવાળી પણ મનાવી હતી અને મીઠાઈ પણ ખાધી હતી.
દારુ કૌભાંડ કરતા પહેલા વિચાર કરવો જોઈતો હતો-લોકોની કોમેન્ટ
કેજરીવાલે શેર કરેલી વાયરલ થતાં સોશિયલ મીડિયામાં તોફાન આવ્યું હતું અને લોકો ઉલટાનું કેજરીવાલને ટ્રોલ કરી મૂક્યા હતા. લોકોએ કહ્યું કે દારુ કૌભાંડ કરતા પહેલા વિચાર કરવો જોઈતો હતો. બીજા કેટલાકે કહ્યું કે સિસોદીયા સાથે બરાબર થયું છે. એક વ્યક્તિએ તો રાઘવ ચઢ્ઢા પરિણીતી ચોપડાની હનીમૂનની તસવીર શેર કરતાં કટાક્ષ કર્યો કે આ તસવીર પીડાદાયક નથી.
દારુ કૌભાંડમાં જેલમાં બંધ છે
ફેબ્રુઆરી 2023માં ઈડી અને સીબીઆઈએ દારુ કૌભાંડમાં તે વખતના દિલ્હીના ઉપમુખ્યમંત્રી મનિષ સિસોદીયાની ધરપકડ કરીને તેમને તિહાડ જેલમા પૂર્યાં હતા. જુન 2023મા હાઈકોર્ટે સિસોદીયાને પત્નીને મળવા છૂટ આપી હતી પરંતુ તેમણે મળ્યા વગર પાછા આવતા રહેવુ પડ્યું હતું કારણ કે પત્ની સીમાની તબિયત વધારે બગડતાં તેમને આઈસીયુમાં દાખલ કરવા પડ્યાં હતા.
