વાસ્તુ શાસ્ત્ર / શું ખરેખર બાથરૂમમાં લાલ ડોલ રાખવી મનાય છે અશુભ? જાણો કયો રંગ સૌથી શુભ, જાણો વાસ્તુ નિયમ

• બાથરૂમમાં લાલ-કાળા રંગની ડોલ ન રાખો
• થઈ શકે છે વાસ્તુ દોષ 
• ઘરમાં આવી શકે છે ધનની કમી 

વાસ્તુ શાસ્ત્ર અનુસાર લોકોના ઘરમાં મુકેલી વસ્તુઓ તેમના જીવન પર પ્રભાવ કરે છે. ઘરમાં વસ્તુઓની દિશા, તેમને રાખવાની રીત અને કલર વ્યક્તિના જીવન પર ખૂબ અસર કરે છે. વસ્તુઓનો રંગ લોકોની આર્થિક સ્થિતિ પર અસર કરે છે. ઘરને ફ્રેશ રાખવા માટે અને સ્વસ્થ્ય જીવન જીવવા માટે વાસ્તુના રંગોનું યોગ્ય સંતુલન હોવું જરૂરી છે. 

બેડરૂમ, કિચન અને કાલ્કની સહિત બાથરૂમમાં પણ વાસ્તુ નિયમોનું પાલન કરવું ખૂબ જ જરૂરી છે. બાથરૂમમાં યોગ્ય રંગની વસ્તુઓ ન રાખવાથી ઘરમાં નેગેટિવિટી ફેલાઈ શકે છે અને લોકોને આર્થિક તંગીનો સામનો કરવો પડી શકે છે. આજે અમે તમને જણાવીશું કે વાસ્તુ અનુસાર બાથરૂમમાં કયા રંગની ડોલ રાખવી શુભ હોય છે અને કયો રંગ અશુભ માનવામાં આવે છે.

બાથરૂમમાં લાલ રંગની ડોલ રાખવી અશુભ? 
નિષ્ણાંતોના જણાવ્યા અનુસાર વાસ્તુશાસ્ત્રમાં બાથરૂમમાં વધારે ડાર્ક કલરની ડોલ અને ટબ રાખવો યોગ્ય નથી માનવામાં આવતો. લાલ અને કાળા રંગની ડોલ બાથરૂમમાં રાખવાથી વાસ્તુ દોષ ઉભો થઈ શકે છે. એવું કરવાથી ધન હાની પણ થઈ શકે છે અને ઘરના સદસ્યોનું સ્વાસ્થ્ય ખરાબ થઈ શકે છે. 

લાલ રંગને અગ્નિના પ્રતીક માનવામાં આવે છે જેના કારણે તેને બાથરૂમમાં ન રાખવી જોઈએ. જો તમે બાથરૂમમાં લાલ રંગની ડોલ અને ટબનો ઉપયોગ કરી રહ્યા છો તો તમને વધારે લાઈટ રંગની ડોલ રાખવી જોઈએ અને લાલ રંગની ડોલ બહાર કાઢી નાખવી જોઈએ. આમ કરવાથી તમે સુખી રહેશો. 

આ રંગની ડોલ રાખવી શુભ 
વાસ્તુ અનુસાર બાથરૂમમાં બ્લૂ રંગની ડોલ રાખવી ખૂબ જ શુભ માનવામાં આવે છે. બ્લૂ રંગને બાથરૂમ માટે ખૂબ જ ફાયદાકારક માનવામાં આવે છે. વાસ્તુ દોષને દૂર કરી શકાય છે. બાથરૂમમાં બ્લૂ રંગની ડોલ અને મગ રાખવાથી ઘરમાં સકારાત્મક ઉર્જાનો સંચાર થાય છે અને નકાત્મક ઉર્જા બહાર નિકળી જાય છે. 

આર્થિક તંગીથી ઝઝુમી રહેલા લોકો માટે બાથરૂમમાં બ્લૂ ડોલ રાખવી ચમત્કારી સાબિત થઈ શકે છે. આમ કરવાથી તેમની આર્થિક મુશ્કેલીઓ દૂર થઈ શકે છે. ડોલની સાથે ટબ પણ બ્લૂ રંગનું હોવું જોઈએ. બ્લૂ રંગની ડોલ રાખ્યા ઉપરાંત તેમાં હંમેશા પાણી ભરેલું રાખવું જોઈએ. ખાલી ડોલ બાથરૂમમાં ન રાખવી જોઈએ. જ્યારે ડોલમાં પીણી ભરેલું હોય છે તો તે ઘરમાં સુખ-સમૃદ્ધિ આવે છે.