વલસાડ / વાપીમાં મચ્છર મારવા કરાયેલા ધૂમાડાથી ગૂંગળામણ થતાં બાળકીનું મોત, બેભાન થતાં ચાર સભ્યો દાખલ

• મચ્છરને દુર કરવા કરેલા ધૂમાડાથી પરિવાર થયો બેહોશ
• પાંચ સભ્યોમાંથી એક બાળકીનું સારવાર દરમિયાન મોત
• અન્ય ચાર સભ્યો હોસ્પિટલમાં દાખલ

મચ્છરના ત્રાસના કારણે જો તમે રાત્રીના સમય દરમિયાન ધૂમાડો કરી ઉંઘી જતા હોય તો ચેતી જજો. કારણે કે, વલસાડના વાપીમાંથી ચેતવણી જનક કિસ્સો સામે આવ્યો છે. મચ્છરના ત્રાસને દૂર કરવા કરેલા ધૂમાડાએ માસૂમ બાળકીનો ભોગ લીધો છે તેમજ અન્ય પરિજનોને હોસ્પિટલ દાખલ કરવા પડ્યા છે.

પરિવાર બેહોશ થયો હતો
ધુમાડા કારણે વાપીના સુલપડમાં પરિવાર બેહોશ થયો હતો. પરિવારના પાંચ સભ્યોમાંથી એક બાળકીનું સારવાર દરમિયાન મોત થયું છે, તેમજ અન્ય ચાર સભ્યો હોસ્પિટલમાં સારવાર અર્થે દાખલ કરવામાં આવ્યા છે. 

પોલીસે તપાસ હાથ ધરી
વાપી ટાઉન પોલીસે સમગ્ર મામલે તપાસ હાથ ધરી છે. મચ્છર મારવા માટે કરેલા ધુમાડાને કારણે પરિવારને ગુંગળામણ થઇ હતી. જેને લઈ ઉંઘમાં જ પરિવાર બેહોશ થયાની વિગતો સામે આવી છે.