ખુશખબરી / ઉત્તરકાશી ટનલ દુર્ઘટનામાં 11માં દિવસે શુભ સમાચાર, PMOના સલાહકારે આપ્યું મોટું અપડેટ, બસ 2 કલાક

• ઉત્તરકાશી ટનલ દુર્ઘટનાનો આજે 11મો દિવસ
• 41 મજૂરોને બચાવવા ભારતીય રેસ્ક્યૂ ટીમ એક્શનમાં
• હોરિંઝોંટલ પાઈપ નાખવાનું 67% કામ પૂર્ણ

ઉત્તરકાશી ટનલમાં ફસાયેલા 41 મજૂરોને બહાર નિકાળવાનાં સંબંધમાં બુધવારે સાંજે મોટો અપડેટ આવ્યો. માહિતી અનુસાર ઘટનાસ્થળ પર હોરિઝોંટલ પાઈપ નાખવાનું લગભગ 67% ડ્રિલિંગ કામ પૂર્ણ થઈ ગયું છે. 45 મીટર સુધી પાઈપને અંદર નાખી દેવામાં આવ્યું છે. પ્રધાનમંત્રી કાર્યાલયનાં પૂર્વ સલાહકાર ભાસ્કર ખુલ્બેએ આજે સાંજે કહ્યું કે આવતા ચરણનું કામ 2 કલાકમાં શરૂ થઈ જશે.

First visuals of trapped workers from the #UttarakhandTunnelCollapse! Only their families know the real significance of this clip. Let’s all pray harder today than we did on 19th for Team India.
जय श्री हनुमान! जय श्री राम!#ThankfulTuesday pic.twitter.com/glovyrhZL5

— Pranav Pratap Singh (@PranavMatraaPPS) November 21, 2023

ભાસ્કર ખુલ્બેનું નિવેદન
ખુલ્બે હાલમાં ઉત્તરાખંડ પર્યટન વિભાગમાં વિશેષ કાર્યકારી અધિકારી છે. તેમણે કહ્યું કે,' મને તમને જણાવતાં ખુશી થાય છે કે અમે છેલ્લાં 1 કલાકથી જે કામ કરી રહ્યાં હતાં, અમે અમેરિકન ઓગર મશીનની મદદથી 6 મીટરની લંબાઈ સુધી ડ્રિલ કર્યું છે. મને આશા છે કે આવનારાં 2 કલાકમાં આવતાં ચરણનું કામ શરૂ થઈ જશે.'

#WATCH | Uttarkashi (Uttarakhand) tunnel rescue | Former advisor to the Prime Minister's Office, Bhaskar Khulbe says "... I am happy to announce that we have been able to move forward by another 6 meters and it is expected that in the next 2 hours when we prepare for the next… pic.twitter.com/BNyzfdbxAM

— ANI (@ANI) November 22, 2023

રેસ્ક્યૂ કામમાં આવી તેજી
39 મીટર પાઈપલાઈન નાખવાની ઘોષણા પહેલા પ્રેસ કોન્ફેરેન્સ દરમિયાન કરવામાં આવી હતી. વધુ 6 મીટરની પાઈપલાઈન સાથે કુલ 45 મીટર સુધીની પાઈપલાઈન નાખવાનું કામ પૂર્ણ થઈ ગયું છે. ટનલની અંદર ફસાયેલા 41 મજૂરોમાંથી ગબ્બર સિંહ નેગી અને સબા અહમદ અન્ય લોકોનું મનોબળ વધારી રહ્યાં છે. તમામ કાર્યકર્તાઓને યોગ, કીર્તન, વોકિંગ જેવી અન્ય ગતિવિધિઓ ઉપલબ્ધ કરવામાં આવી રહી છે જેથી તેમનું મનોબળ ઊંચું રહે.

આવનારાં 3 મીટક અત્યંત મહત્વનાં..
સૂત્રો અનુસાર આવતાં 3 મીટર સૌથી મહત્વપૂર્ણ રહેશે. હજુ સુધી 45 મીટર સુધીનું ખોદકામ કરવામાં આવ્યું છે. મજૂરોને સુરક્ષિત બહાર કાઢવા માટે 57 મીટર સુધી ડ્રિલિંગ કરવાની આવશ્યકતા રહેશે. 8મી પાઈપનો અડધો ભાગતો અંદર પહોંચી ગયો છે.