- યુપીના બલરામપુરમાં સરયૂ નહેર પ્રોજેક્ટના ઉદ્ધાટન પ્રસંગ
- PM મોદીએ ફરી વાર જનરલ બિપિન રાવતને યાદ કર્યાં
- કહ્યું, બિપિન રાવતનું દુખદ નિધન ભારત માટે મોટી ક્ષતિ
પોતાના બહાદુર સેનાપતિ અને દેશના પહેલા સીડીએસ જનરલ બિપિન રાવતની શહાદત પર વ્યથિત પ્રધાનમંત્રી મોદીએ ફરી વાર તેમને યાદ કર્યાં છે. યુપીના બલરામપુરમાં રાષ્ટ્રીય પ્રોજેક્ટના ઉદ્ધાટન પ્રસંગે પ્રધાનમંત્રી મોદીએ જનરલ બિપિન રાવતને યાદ કરતા એક મોટું નિવેદન આપ્યું છે.
સીડીએસ જનરલ બિપિન રાવતનું દુખદ નિધન ભારત માટે મોટી ક્ષતિ
સરયૂ નહેર પ્રોજેક્ટના ઉદ્ધાટન બાદ પ્રધાનમંત્રી મોદીએ કહ્યું કે દેશના પહેલા સીડીએસ જનરલ બિપિન રાવતનું દુખદ નિધન ભારત માટે મોટી ક્ષતિ છે. જનરલ બિપિન રાવતજી જેટલા જાંબાજ હતા, દેશની સેનાઓને આત્મનિર્ભર બનાવવા માટે જેટલી મહેનત કરતા હતા, આખો દેશ તેનો સાક્ષી છે. જનરલ બિપિન રાવત આવનાર દિવસોમાં પોતાના ભારતના નવા સંકલ્પોની સાથે, તો જ્યાં હશે ત્યાંથછી ભારતને આગળ વધતા જરુરથી જોશે.
દુખમાં છીએ પરંતુ દર્દ સહન કરીને આપણે આપણી પ્રગતિ રોકવાની નથી
મોદીએ કહ્યું કે દુખમાં છીએ પરંતુ દર્દ સહન કરીને આપણે આપણી પ્રગતિ કે ગતિ રોકતા નથી. ભારતે અટકશે નહીં, ભારત પાછીપાની નહીં કરે, દેશની સીમાઓની સુરક્ષા વધારવાનું કામ, બોર્ડર ઈન્ફ્રાસ્ટ્રક્ચરને મજબુત કરવાનું કામ, દેશની સેનાઓને આત્મનિર્ભર બનાવવાનું અભિયાન, ત્રણેય સેનાઓમાં તાલમેલને બેહતર કરવાનું કામ, આવા અનેક કામ ઝડપથી આગળ વધતા રહેશે.
યુપીના બલરામપુરમાં સરયુ નહેર પ્રોજેક્ટ રાષ્ટ્રને સમર્પિત
વડા પ્રધાન નરેન્દ્ર મોદીએ આજે બલરામપુરમાં આયોજિત એક કાર્યક્રમમાં સરયુ નહેર પ્રોજેક્ટ રાષ્ટ્રને સમર્પિત કર્યો હતો. સરયુ કેનાલ પ્રોજેક્ટનું સ્વપ્ન આખરે 43 વર્ષ બાદ સાકાર થયું છે. આ 808 કિલોમીટર લાંબી નહેર યોજનાનો લાભ ગોંડા, બલરામપુર, બહરાઈચ, શ્રાવસ્તી સહિત નવ જિલ્લાના ખેડૂતોને મળશે. તેનાથી લાખો ખેડૂતોને ફાયદો થશે.
PM મોદીનાં અખિલેશ યાદવ પર પ્રહાર
PM મોદીએ આ પ્રસંગે કહ્યું હતું કે અગાઉ મહિલાઓ ઘરથી બહાર નીકળતા ડરતી હતી. અગાઉની સરકારમાં માફિયાઓ ફાવી ગયા હતા અને હવે તેઓ ડરે છે. તેમણે કહ્યું હતું કે અમારી સરકાર મહિલાઓ માટે કામ કરે છે માટે અમે આવાસ યોજનામાં મહિલાના નામે ઘર આપ્યા હતા. તેમના ઘરોમાં ગેસ કનેક્શન, વીજળી અને શૌચાલય જેવી બેઝિક જરૂરિયાત ઊભી કરાવી. અખિલેશ યાદવની જૂની સરકાર અંગે તેમણે કહ્યું હતું કે તેમનું કામ માત્ર ફિટ કાપવાનું એટલે કે ઉદ્ઘાટનો કરવાનું છે અમે તે બધા કામ પૂરા પણ કરીએ છીએ.
