ક્રિકેટ / ઓસ્ટ્રેલિયાના ખેલાડીએ બૂટ પર લખ્યો મેસેજ, પાકિસ્તાન સાથેની મેચ પહેલા જ હંગામો, સપોર્ટમાં કરી સમાનતાની વાત

• ઑસ્ટ્રેલિયા vs પાકિસ્તાન ટેસ્ટ સીરીઝ પહેલાં વિવાદ
• ઓપનર ઉસ્માન ખ્વાજાનો એક ફોટો વિવાદમાં 
• જૂતા પર ઈઝરાયેલ-પેલેસ્ટાઈન યુદ્ધ મામલે સંદેશો લખ્યો

ઑસ્ટ્રેલિયા અને પાકિસ્તાનની વચ્ચે 14 ડિસેમ્બરથી પહેલા ટેસ્ટ સીરીઝની શરૂઆત થશે. બંને ટીમો 3 ટેસ્ટ મેચની આ સીરીઝમાં સૌથી પહેલા પર્થમાં આમને-સામને થશે. પણ આ મેચ પહેલા જ એક વિવાદ શરૂ થઈ ગયો છે જે ઈઝરાયલ અને પેલેસ્ટાઈનની વચ્ચે ચાલી રહેલા યુદ્ધનાં કારણે થયો છે.

Usman Khawaja - All Lives Are Equal pic.twitter.com/Ss2T13cchX

— Saj Sadiq (@SajSadiqCricket) December 12, 2023

જૂતા પર લખ્યો સંદેશ
ઑસ્ટ્રેલિયાનાં ઓપનર ઉસ્માન ખ્વાજા સતત ઈઝરાયલ-પેલેસ્ટાઈન જંગ પર કંઈને કંઈ કમેન્ટ કરતાં રહે છે. હવે પાકિસ્તાનની સામે થવાની ટેસ્ટથી પહેલા પણ તેમણે પોતાના જૂતાની મદદથી એક સંદેશો આપવાનો પ્રયાસ કર્યો છે. તેઓ પ્રેક્ટિસ દરમિયાન એવા શૂઝ પહેરીને આવ્યાં જેના પર એક સ્પેશિયલ મેસેજ લખવામાં આવ્યો હતો. ઉસ્માન ખ્વાજાએ જૂતા પર લખ્યું હતું કે આઝાદી એક માનવાધિકાર છે અને તમામ જીવ એકસમાન છે. આ સંદેશો પેલેસ્ટાઈનનાં સપોર્ટમાં લખવામાં આવી હતી.

મેચથી પહેલા વિવાદ
મેચથી પહેલા જ આ ફોટો વાયરલ થયો જેના લીધે વિવાદ છેડાઈ ગયો. ICCનાં નિયમ અનુસાર કોઈપણ ઈંટરનેશનલ મેચ કે સીરીઝની વચ્ચે કોઈ ખેલાડી કે ટીમ સાથે સંકળાયેલો કોઈ વ્યક્તિ રાજકીય નિવેદન કે સંદેશ ન આપી શકે. જો કે સીરીઝની હજુ સુધી શરૂઆત નથી થઈ અને ઉસ્માન ખ્વાજાએ પ્રેક્ટિસ દરમિયાન આ જૂતા પહેર્યાં હતાં.  ઉસ્માન ખ્વાજા પહેલાં પણ ઈઝરાયલ અને પેલેસ્ટાઈન મુદે ઘણાં વોકલ રહ્યાં છે. તેમણે સતત પેલેસ્ટાઈનનું સમર્થન કર્યું છે અને ઈંટરનેશનલ કમ્યૂનિટીને આ મામલા પર એક્શન લેવા માટે અપીલ પણ કરી છે.