ઉત્તર પ્રદેશ / મુઝફ્ફરનગરમાં કેન્દ્રીય રાજ્યમંત્રી અને ભાજપના ઉમેદવાર સંજીવ બાલિયાનના કાફલા પર પથ્થરમારો

ઉત્તર પ્રદેશના મુઝફ્ફરનગરમાં રાજ્યમંત્રી અને ભાજપના વર્તમાન ઉમેદવાર સંજીવ બાલ્યાનના કાફલા પર પથ્થરમારો કરવામાં આવ્યો છે. એવું કહેવામાં આવી રહ્યું છે કે પ્રચાર દરમિયાન સંજીવ બાલિયાનના કાફલા પર હુમલો કરવામાં આવ્યો હતો અને પ્રચાર વાહનોની તોડફોડ કરવામાં આવી હતી. આ ઘટના ખતૌલી કોતવાલી વિસ્તારના મડગાંવની છે.

સંજીવ બાલિયાનની વધતી લોકપ્રિયતાથી વિપક્ષ હતાશ અને નિરાશ છેઃ ભાજપ 

આ બાબતે ભારતીય જનતા પાર્ટીના જિલ્લા અધ્યક્ષ સુધીર સૈનીએ જણાવ્યું હતું કે ભારતીય જનતા પાર્ટીના ઉમેદવાર સંજીવ બાલિયાનની વધતી લોકપ્રિયતાથી વિપક્ષ હતાશ અને નિરાશ છે. તેમને પોતાની હાર દેખાઇ રહી છે. તેથી જ તે આવી હરકત કરી રહ્યા છે. તેમના કેટલાક લોકો એવા હોવા જોઈએ જેમણે આવી પ્રવૃત્તિઓનો આશરો લીધો હોય. મને લાગે છે કે આવું ન કરવું જોઈએ અને ચૂંટણી હિંમતપૂર્વક  લડવી જોઈએ.

'જનસભામાં ઝિંદાબાદ-મુર્દાબાદના નારા લાગ્યા'

તેમણે વધુમાં કહ્યું કે મને મળેલી માહિતી એ છે કે સંજીવ બાલિયાનની જાહેર સભા ચાલી રહી હતી. આ દરમિયાન બહાર નારા લાગ્યા હતા. અન્ય કેટલાક ઉમેદવારના સમર્થનમાં સૂત્રોચ્ચાર પણ કરવામાં આવ્યા છે. મને લાગે છે કે હુમલામાં 6-7 વાહનોને નુકસાન થયું છે, જેમાં 2-4 લોકો ઘાયલ પણ થયા છે. એટલા માટે મને લાગે છે કે આ પરાજિત અને હતાશ વિપક્ષનું કાવતરું છે. અમે આમાં કોઈ કાર્યવાહી ઈચ્છતા નથી. અમે તેને ફક્ત કાર્યવાહી માટે જનતાની અદાલતમાં લઈ જઈશું.

એફઆઈઆર નોંધીને કાર્યવાહી કરવામાં આવશે

એસપી સિટી સત્યનારાયણ પ્રજાપતિએ જણાવ્યું કે જાહેર સભા દરમિયાન કેટલાક અસામાજિક તત્વો દ્વારા સૌપ્રથમ સૂત્રોચ્ચાર કરવામાં આવ્યા હતા. આ પછી બહાર ઉભેલા વાહનોના કાફલા પર પથ્થરમારો કરવામાં આવ્યો હતો. જેમાં કેટલાક વાહનોના કાચ તૂટી ગયા છે. હાલમાં ગામમાં સંપૂર્ણ શાંતિ અને વ્યવસ્થા છે. કાયદો અને વ્યવસ્થાની કોઈ સમસ્યા નથી. આ ઉપરાંત આ સમગ્ર ઘટનાની ગંભીરતાથી તપાસ કરવામાં આવી રહી છે. ફરિયાદ મળ્યા બાદ સંબંધિત કલમો હેઠળ કેસ નોંધવામાં આવશે અને કાર્યવાહી કરવામાં આવશે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો