KYC આપણા બધાના જીવનનો એક ભાગ બની ગયો છે. બેંક ખાતું ખોલાવવું હોય, વીમો લેવો હોય કે સ્ટોક કે મ્યુચ્યુઅલ ફંડમાં રોકાણ કરવું હોય, આ તમામ કાર્યો માટે આપણે વિવિધ KYC પ્રક્રિયાઓમાંથી પસાર થવું પડે છે.
હવે એવું નથી કે એક જગ્યાએ KYC થાય તો દરેક જગ્યાએ કામ થઈ જાય. કેવાયસી પ્રક્રિયાને વારંવાર પુનરાવર્તન કરવું લોકો માટે મુશ્કેલીનું કારણ બને છે. આ પ્રક્રિયાના પેપર વર્ક, સમય અને ખર્ચને ઘટાડવા માટે એક KYC સિસ્ટમ લાગુ કરવાની દરખાસ્ત કરી છે.
એટલે કે ટૂંક સમયમાં જ તમામ કામ એક જ KYCથી થઈ જશે. કેન્દ્ર સરકાર ટૂંક સમયમાં યુનિફોર્મ KYC નિયમો લાગુ કરી શકે છે. આ અંતર્ગત બેંક, વીમા, મ્યુચ્યુઅલ ફંડ અને અન્ય નાણાકીય ક્ષેત્રો માટે માત્ર એક જ KYC હશે. ફાઇનાન્શિયલ સ્ટેબિલિટી એન્ડ ડેવલપમેન્ટ કાઉન્સિલ (FSDC) એ સરકારને નાણાકીય ક્ષેત્રમાં એક સમાન KYC સિસ્ટમ લાગુ કરવાનો પ્રસ્તાવ મૂક્યો છે.
હાલમાં ગ્રાહકોએ જ્યારે પણ બેંક ખાતું ખોલાવવું, મ્યુચ્યુઅલ ફંડ અથવા શેરોમાં રોકાણ કરવું અથવા વીમા પૉલિસી ખરીદવી ત્યારે તેમને વારંવાર KYC સબમિટ કરવું પડે છે. આ સમસ્યાનો સામનો કરવા માટે, નાણાંમંત્રી નિર્મલા સીતારમણની આગેવાની હેઠળની નાણાકીય સ્થિરતા અને વિકાસ પરિષદ (FSDC) એ એક સમાન KYC સિસ્ટમ લાગુ કરવાનો પ્રસ્તાવ મૂક્યો છે. આ સાથે, વિવિધ નાણાકીય ક્ષેત્રો માટે વારંવાર KYC આપવાની જરૂર રહેશે નહીં.
કેન્દ્ર સરકારે યુનિફોર્મ KYC નિયમો અંગે ભલામણો કરવા માટે નાણા સચિવ ટીવી સોમનાથનની આગેવાનીમાં એક નિષ્ણાત સમિતિની રચના કરી છે. આ પ્રક્રિયાના અમલીકરણથી કાગળ, સમય અને ખર્ચ ઘટાડવામાં મદદ મળશે. યુનિફોર્મ કેવાયસી લોકોને ઘણી સુવિધા આપશે. નાણાકીય ક્ષેત્રની કોઈપણ સેવા માટે, લોકોએ ફક્ત એક જ વાર KYC પ્રક્રિયામાંથી પસાર થવું પડશે.
KYC એ ગ્રાહકોની ઓળખ અને સરનામાની વિગતોની ચકાસણી કરવાની પ્રક્રિયા છે. શેર, મ્યુચ્યુઅલ ફંડ, વીમો અને બેંકિંગ જેવા કોઈપણ નિયમનકારી નાણાકીય ઉત્પાદનોને ઍક્સેસ કરવાની મંજૂરી આપવામાં આવે તે પહેલાં કેવાયસી આવશ્યક છે. સાથે જ નાણાકીય સંસ્થા ગ્રાહકોને સમયાંતરે તેમની KYC વિગતો અપડેટ કરવા માટે પણ કહે છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
