જાહેરાત / આ રાજ્યમાં થોડા વખતમાં લાગુ પડી જશે સમાન નાગરિક સંહિતાનો કાયદો, CMનું મોટું એલાન

• યુનિફોર્મ સિવિલ કોડ કાયદાને લઇ અને મહત્વના સમાચાર
• ઉતરાખંડ રાજ્યમાં ટૂંક સમયમાં આ કાયદો લાગુ કરી દેવામાં આવશે
• મુખ્યમંત્રી પુષ્કર સિંહ ધામીએ ટ્વિટ કરીને માહિતી આપી 

યુનિફોર્મ સિવિલ કોડ કાયદાને લઇ અને મહત્વના સમાચાર સામે આવી રહ્યા છે. જેમાં ઉતરાખંડ રાજ્યમાં ટૂંક સમયમાં આ કાયદો લાગુ કરી દેવામાં આવે તે મામલે મુખ્યમંત્રી પુષ્કર સિંહ ધામીએ જણાવ્યું હતું. સીએમ ધામીએ સોશિયલ મીડિયા મારફતે ટ્વિટ કરીને માહિતી આપી હતી કે દેવભૂમિ ઉત્તરાખંડમાં થોડા જ દિવસ સમયમાં યુસીસી કાયદો લાગુ કરી દેવામાં આવશે.

देवभूमि उत्तराखंड में जल्द लागू करेंगे समान नागरिक संहिता (UCC) कानून। pic.twitter.com/n4LFvBp8Lp

— Pushkar Singh Dhami (@pushkardhami) June 18, 2023

2. 31 લાખ જેટલા સૂચનો મોકલાયા
મહત્વનું છે કે આ મામલે સરકાર દ્વારા ડ્રાફ્ટ તૈયાર કરવાના આવ્યો છે અને મહત્વનું છે કે ઉત્તરાખંડ સરકારે યુનિફોર્મ સિવિલ કોડ મામલે માર્ચ 2022માં સમિતિની રચના કરી દીધી હતી. જે સમિતિ દ્વારા અત્યાર સુધીમાં લોકોના પ્રતિભાવો મંગાવ્યા બાદ હવે આ દિશામાં કાર્ય શરૂ કરવામાં આવ્યું છે. આપને જણાવી દઈએ કે આ સમિતિને અત્યાર સુધીમાં 2. 31 લાખ જેટલા સૂચનો મોકલવામાં આવ્યા હતા. બાદમા બ્લૂ પ્રિન્ટ તૈયાર કરવામાં આવી છે, જે મુજબ છોકરીઓની લગ્નની ઉંમર વધારવામાં આવશે જેથી તેઓ લગ્ન પહેલા સ્નાતક થઈ શકે. આ ઉપરાંત, આ ડ્રાફ્ટમાં પતિ અને પત્ની બંનેને છૂટાછેડાના સમાન આધાર હશે, છૂટાછેડાનું કારણ જે પતિ માટે લાગુ છે, તે પત્નીને પણ લાગુ પડશે.

સમાન નાગરિક સંહિતાનો શું છે?
સમાન નાગરિક સંહિતા એટલે દેશના દરેક ધર્મ માટે એક જ કાયદો, હાલમાં તો દરેક ધર્મ પોતપોતાના અલગ કાયદા-કાનૂન ધરાવે છે. પરંતુ જો સમાન નાગરિક સંહિતા અમલી બને તો લગ્ન, છૂટાછેડા, દત્તક લેવા, વારસો અને ઉત્તરાધિકાર જેવી વ્યક્તિગત બાબતોને સંચાલિત કરતા કાયદાઓને બદલે એક કાયદો બની જાય.