સુરેન્દ્રનગર / લખતરમાં 12 કલાકમાં બેના હાર્ટ એટેકથી મોત, 1 મહિનામાં 10 લોકોના હ્રદયની ચાલ પડી બંધ!, મુખ્ય કારણ પણ સ્થાનિકોએ જણાવ્યું

• સુરેન્દ્રનગરના લખતર તાલુકામાં 12 કલાકમાં બેના હાર્ટ એટેકથી મોત 
• ડેરવાળા ગામના આધેડ નીરૂભા રાણાનું છાતીમાં દુખાવો થતા મોત
• લીલાપુરની મહિલાનું પણ મોત

કોરોના બાદ હાર્ટ એટકે પણ મોટાપાયે હાઉ ઉભો કર્યો છે. યુવાઓમાં એકાએક હાર્ટ ફેઈલ થવામાં કેસમાં આવેલ વધારાને લઈ તબીબો કારણ જાણવાની દિશામાં કાર્યવાહી કરી રહ્યા છે. તેવામાં સુરેન્દ્રનગરના લખતર તાલુકામાં 12 કલાકમાં જ બે વ્યક્તિને હાર્ટ એટેક ભરખી જતા તેઓ જિંદગી સામેનો જંગ હારી ગયા છે. બીજી બાજુ સ્થાનિક લોકોએ આ પંથકની આરોગ્ય વ્યવસ્થા પર સવાલો ઉભા કર્યા છે.

ઇમર્જન્સી સારવારના અભાવ પણ મુખ્ય કારણ

સુરેન્દ્રનગરના લખતર તાલુકામા આવેલ ડેરવાળા ગામેં રહેતા આધેડ નીરૂભા રાણાને એકાએક છાતીમાં દુ:ખાવો શરૂ થયો હતો.જેને લઈને તેઓએ પરિજનોને દુઃખાવાની ફરિયાદ કરતા આધેડને તાત્કાલિક સારવાર અર્થે ખસેડવામાં આવ્યા હતા. જ્યા સારવાર મળે તે પહેલા જ આધેડને કાળ આંબી ગયો હોવનો ફરજ પરના તબીબે ઉલ્લેક કર્યો હતો. જેથી પરિજનોમાં રોકકળ મચી છે.

10 જેટલા મોત માત્ર મહિનામાં થતા પંથકમાં ભય

બીજી બાજુ લખતર તાલુકાના લીલાપુરની મહિલાના પણ હદય દગો આપતા તેમનું પણ અકાળે મોત થયું છે. જેને લઈને પરિવારમાં કાળો કલ્પાંત ફેલાયો છે. આમ માત્ર જ માસમાં 10 જેટલા માનવ મોત થયાનો સ્થાનીકોએ દાવો કર્યો છે. જેને લઈને પંથકમાં ભય નો માહોલ જોવા મળી રહ્યો છે. સાથે જ ઇમર્જન્સી સારવારનો અભાવ મોત પાછળ જવાબદાર હોવાનું લોકોએ જણાવ્યું હતું. કારણે કે અમૂક વિસ્તારમાં રોડ, રસ્તા અને આરોગ્યની સુવિધા ન હોવાથી ઇમરજન્સી કેસમાં દર્દીને મોટા શહેરોમાં લઈ જવાની નોબત આવે છે. જે સમયસર ન મળતા અમુક કિસ્સા દર્દી મોતને ભેટે છે.