ગુજરાતી તો ફરવાના / ઉનાળામાં ફરવાનું વિચારતા હોય તો વહેલા જાગજો, ટુર પેકેજ થઈ ગયા 20% મોંઘા, આ સ્થળોની ડિમાન્ડ વધુ

• ઉનાળુ વેકેશનની શરૂઆત થતાની સાથે ટુર પેકેજ થયા મોંઘા
• છેલ્લા 3 વર્ષની સરખામણીએ પ્રવાસીઓનો સૌથી ધસારો 
• 60 ટકાથી વધુ  ટુર પેકેજનું એડવાન્સ બુકિંગ

ઉનાળુ વેકેશનની શરૂઆત થતાની સાથે ટુર પેકેજ મોંઘા થયા છે. વિદેશમાં હોટેલ અને એરલાઇન્સ સહિતના ભાવોમાં વધારો થતાં ટુર પેકેજનો ભાવ 20 ટકા વધી ગયો છે. જેમા ઈન્ટરનેશનલ ટુરમાં પેકેજમાં સિંગાપુર પેકેજ 1.20 લાખ અને દુબઇ પેકેજ 50 હજારના વધારા સાથે 20 ટકા મોંઘુ થયુ છે. બીજી તરફ વેકેશનનર લઈને ટુરિસ્ટ ઓપરેટરોની ઓફિસમા છેલ્લા 3 વર્ષની સરખામણીએ પ્રવાસીઓનો સૌથી વધારે ધસારો જોવા મળી રહ્યો છે. 

60 ટકાથી વધુ એડવાન્સ બુકિંગ થઈ ગયુ

બીજી તરફ પ્રવાસ માટે ઇન્ટરનેશનલ અને ડોમેસ્ટિક ફ્લાઇટના ભાડા પણ ડબલ થઈ રહ્યા છે અને ધડાધડ ઓનલાઈન બુકીંગ થઈ રહ્યા છે. હાલમાં ટુર પેકેજમાં 60 ટકાથી વધુ એડવાન્સ બુકિંગ થઈ ગયુ છે. તો પસંદગી સ્થળોની વાત કરવામાં આવે તો ઇન્ટરનેશનલ ટુરમાં સિંગાપુર, મલેશિયા, થાઈલેન્ડ સહિતના સ્થળોની ટુર પેકેજની ડિમાન્ડ વધી રહી છે. જ્યારે ડોમેસ્ટિક પ્રવાસમાં લોકો કાશ્મીર જવાનું વધારે પસંદ કરી રહ્યા છે. માર્ચ મહીનમાં લોકો ફરવા જવાના વધુ આયોજનો ઘડતા હોવાથી હોટલો ફૂલ થઈ ગઈ છે.

20 ટકા ટુર પેકેજ મોંઘા થયા
આ વર્ષે લોકો વિદેશમાં વધુ ફરવા જવાનું પસંદ કરી રહ્યા છે. જેને લઈને વિદેશમાં હોટેલ, એરલાઇન્સ સહિત ભાવમાં વધારો થવા પામ્યો છે. જેના પરિણામે 20 ટકા ટુર પેકેજ મોંઘા થયા છે. જ્યારે મે મહિનાની  મોટાભાગની ટુર બુક હોવાનું પણ જાણવા મળી રહ્યું છે. મહત્વનું છે કે ઉનાળુ વેકેશનમાં પ્રવાસીઓના ધસારાને કારણે ટુર પેકેજ મોંઘા થયા છે.