- જાણો કેટલી છે તિરૂપતિ મંદિરની કુલ સંપત્તિ
- 2.5 લાખ કરોડથી વધારે છે તેની કુલ આવક
- કોઈ આઈટી કંપનીની માર્કેટકેપીટલ કરતા વધારે
તિરૂપતિ મંદિરની સંપત્તિ ફક્ત દિગ્ગજ કંપનીઓ કરતા વધારે નથી પરંતુ દુનિયાના ઘણા દેશોની જીડીપીથી પણ વધારે છે. વિશ્વ બેંકના 2021ના GDPના ડેટા અનુસાર, ડોમિનિકા, સેશેલ્સ, એંટીગા એન્ડ બારબુડા, ભૂટાનસ ગ્રીનલેન્ડ, ફિઝી, માલદિવ્સ, મોનાકો, બરમૂડા, ગુયાના, તાઝિકિસ્તાન, મોરીશસ, દક્ષિણી સૂડાન, નામીબિયા, નિકારગુઆ, મંગોલિયા, માલડા, માલી, અફઘાનિસ્તાન, હૈતી, આઈસલેન્ડ, ઝિમ્બાબ્વે, સાઈપ્રસ સહિત ઘણા દેશોની જીડીપીથી વધારે સંપત્તિ તિરૂપતિ મંદિર ટ્ર્સ્ટની છે.
આઈટી કંપનીના માર્કેટ કેપ કરતા પણ વધારે સંપત્તિ
તિરુપતિમાં ભગવાન વેંકટેશ્વરનું પ્રખ્યાત મંદિર છે જે તિરુપતિ મંદિર તરીકે ઓળખાય છે. આ મંદિરની કુલ સંપત્તિ 2.5 લાખ કરોડ રૂપિયાથી વધુ છે જે અમેરિકન કરન્સીમાં 30 અબજ ડોલરની બરાબર છે. તિરુપતિની આ સંપત્તિ ભારતની ઘણી મોટી કંપનીઓના માર્કેટ કેપિટલાઇઝેશન કરતાં પણ વધુ છે. જેમ કે આઈટી સર્વિસ કંપની વિપ્રો, ફૂડ એન્ડ બેવરેજ કંપની નેસ્લે, સરકારી ઓએનજીસી અને ઈન્ડિયન ઓઈલ કોર્પોરેશન.
મંદિરના નામે 960 જગ્યાઓ પર પ્રોપર્ટી
તિરુપતિ મંદિરનું સંચાલન તિરુમાલા તિરુપતિ દેવસ્થાનમ દ્વારા કરવામાં આવે છે. આ મંદિરે હમણાં જ નેટવર્થનો ખુલાસો કર્યો છે. દેવસ્થાનમ ટ્રસ્ટની સ્થાપના 1933માં કરવામાં આવી હતી. ત્યારબાદ પ્રથમ વખત કુલ સંપત્તિની વિગતો આપવામાં આવી છે. તિરુપતિ મંદિરની મિલકતોમાં 10.25 ટન સોનું છે જે બેંકમાં જમા છે. આ સિવાય 2.5 ટન સોનાના દાગીના અને 16,000 કરોડ રૂપિયા બેંકમાં જમા છે જ્યારે દેશભરમાં મંદિરોના નામે 960 પ્રોપર્ટી છે. આ તમામ સંપત્તિની કુલ કિંમત 2.5 લાખ કરોડ રૂપિયા છે.
મંદિરની આવક કરતા આ કંપનીઓની આવક છે ઓછી
સ્ટોક એક્સચેન્જના ડેટા અનુસાર તિરુપતિ મંદિરની કુલ સંપત્તિ વર્તમાન ટ્રેડિંગ કિંમતો પર ઘણી બ્લુ-ચિપ ભારતીય કંપનીઓ કરતાં વધુ છે. શુક્રવારે છેલ્લા ટ્રેડિંગમાં બેંગલુરુ સ્થિત વિપ્રોની માર્કેટ કેપ 2.14 લાખ કરોડ રૂપિયા હતી. જ્યારે અલ્ટ્રાટેક સિમેન્ટનું માર્કેટ કેપ 1.99 લાખ કરોડ રૂપિયા હતું. સ્વિસ મલ્ટીનેશનલ ફૂડ એન્ડ બેવરેજ કંપની નેસ્લેની ભારતીય શાખા 1.96 લાખ કરોડ રૂપિયાની બજાર મૂડી ધરાવે છે અને તે તિરુપતિ મંદિરની સંપત્તિ કરતાં ઓછી છે.
આ સરકારી કંપનીઓની આવક પણ મંદિર કરતા ઓછી
સરકારી કંપની ઓઈલ એન્ડ નેચરલ ગેસ, ઈન્ડિયન ઓઈલ કોર્પોરેશન પાસે પણ તિરુપતિ મંદિર કરતા ઓછી સંપત્તિ છે. પાવર જાયન્ટ એનટીપીસી લિમિટેડ, ઓટો કંપની મહિન્દ્રા એન્ડ મહિન્દ્રા, ટાટા મોટર્સ, વિશ્વની સૌથી મોટી કોલસા ઉત્પાદક કોલ ઈન્ડિયા લિમિટેડ, ખાણકામ કંપની વેદાંત, રિયલ એસ્ટેટ ફર્મ ડીએલએફ અને અન્ય ઘણા લોકો તિરુમતી મંદિર પાછળ છે. માત્ર બે ડઝન કંપનીઓ એવી છે જેમની નેટવર્થ તિરુપતિ ટેમ્પલ ટ્રસ્ટની સંપત્તિ કરતાં વધુ છે.
