Health / તળેલું-ભૂંજેલું ખાધા બાદ આવે છે ખાટા ઓડકાર? જલદી રાહત માટે અપનાવો આ ઉપાય

• ખરાબ તાસીરના લોકો માટે પાચન સંબંધી સમસ્યા જન્માવતી ચટાકેદાર વસ્તુઓ 
• ખાટા અને તીખા ઓડકારથી બચવા આટલું કરો
• વરિયાળી અને લીંબુ પાણી છે અકસીર ઈલાજ

રજાના દિવસને લોકો આંનદ ઉત્સાહમાં વિતાવવા હોય છે. જેમાં લોકો ગરમાગરમ ભટુરે, પૂરી-શાક કે પકોડા, ભજિયાના સ્વાદની મોજ માણતા હોય છે. પરંતુ જીભને પસંદ આ ચટાકેદાર વસ્તુઓ ખરાબ તાસીરના લોકો માટે પાચન સંબંધી સમસ્યાઓનું કારણ બની શકે છે. તળેલી વસ્તુઓ ખાધા બાદ ખાટા અને તીખા ઓડકાર આવતા હોવાની મોટા ભાગના લોકોની સમસ્યા હોય છે.તેનાથી છુટકારો મેળવવા માટે કેટલીક ઉપાયો ખૂબ જ આવકારદાયક સાબિત થઈ શકે છે.

ઓડકારથી તાત્કાલીક રાહત મળશે
તીખી અને તળેલી વસ્તુ ખાધા બાદ જ્યારે તમને ખાટા ઓડકાર આવે તો તાત્કાલિક એક ગ્લાસ પાણીમાં લીંબુ નીચોવી અને પી જવું જોઈએ. આ ઉપરાંત જો લીંબુ અને પાણીનો સ્વાદ પસંદ ન આવે તો તમે આ પાણીમાં કાળુ નમક મિક્ષ કરી શકો છો. જેનાથી સ્વાદ સારો આવે છે અને ઓડકારથી તાત્કાલીક રાહત મળે છે. 

તાત્કાલિક પાચનમાં સુધારો કરે છે

વરસાદની મોસમમાં તળેલું ખાવાનું ખૂબ મન થતું હોય છે. પરંતુ આવા આહારથી ક્યારેક અપચાની સમસ્યા થઈ શકે છે. જેનાથી છુટકારો મેળવવાં માટે દહીંનો ઉપયોગ ખૂબ જ અકસીર છે. આ માટે દહીંમાં ખાંડ મિક્સ કરી તેનું સેવન કરવું જોઈએ. આનાથી પેટની અગ્નિ ઠંડી પડે છે અને ખાટા ઓડકાર પણ બંધ થશે. વધુમાં વરિયાળીનું પાણી પણ તાત્કાલિક પાચનમાં સુધારો કરે છે અને પેટમાં ઉત્પાદિત ગેસનો સામનો કરવામાં પણ મદદ કરે છે. આથી ભોજન બાદ વરિયાળી ખાવી જોઈએ.