જંગ / ત્રીજુ વિશ્વ યુદ્ધ થયું તો ન્યુક્લિયર એટેક કરીશું, રશિયાની ભયાનક ધમકીથી દુનિયામાં હાહાકાર

• રશિયાના વિદેશમંત્રી સેરગેઈ લાવરોવનું નિવેદન
• ત્રીજુ વિશ્વ યુદ્ધ થયું ન્યુક્લિયર એટેક કરીશું 
• યુક્રેનને કદી પણ પરમાણુ હથિયાર નહીં બનાવવા દઈએ

રશિયાના વિદેશમંત્રી સેરગેઈ લાવરોવે જણાવ્યું છે કે ત્રીજું વિશ્વયુદ્ધ ઘણું વિનાશકારી હશે.જો થર્ડ વોર થશું તો અમે ન્યુક્લિયર એટેક કરીશું. તેમણે કહ્યું કે યુક્રેનને પરમાણુ હથિયાર હાંસલ કરવાની કદી પણ મંજૂરી નહીં આપીએ.  તેમણે કહ્યું કે જો ત્રીજું વિશ્વ યુદ્ધ થયું તો તે પરમાણુ યુદ્ધ થશે અને ઘણું વિશાનકારી હશે.

Third World War would be nuclear and disastrous, Russian Foreign Minister Lavrov says: Russian media Sputnik

— ANI (@ANI) March 2, 2022

લડાઈ નિર્ણાયક મોડ પર, પણ ખતરો ટળ્યો નથી

રશિયા અને યુક્રેન વચ્ચે ચાલી રહેલા જંગે હવે ફરી એક વાર પરમાણુ હુમલાનો ખતરો વધારી દીધો છે. જો કે, લડાઈ હવે લગભગ નિર્ણાયક મોડ પર આવીને ઊભી છે. પણ ખતરો હજૂ ટળ્યો નથી. અમેરિકા સહિત પશ્ચિમી દેશ યુક્રેનની મદદ કરી રહ્યા છે અને રશિયાના રાષ્ટ્રપતિ વ્લાદિમીર પુતિને પહેલાથી ચેતવ્યા છે કે, જો કે, જો કોઈ બહારનો વચ્ચે પડ્યો તો પરિણામ અત્યંત ખરાબ આવશે, જેવું પહેલા ક્યારેય જોયું નહીં હોય. એક્સપર્ટ પુતિનની આ ચેતવણીને પરમાણુ હુમલા તરીકે જોઈ રહ્યા છે.

રશિયાની ચેતવણીથી દુનિયામાં હાહાકાર

થર્ડ વર્લ્ડ વોર અને પરમાણુ હથિયારોને લઈને રશિયાની ગંભીર ચેતવણીથી પુરી દુનિયા માટે ખતરો સર્જાયો છે. રશિયાએ પહેલી વાર સ્વીકાર્યું છે જો ત્રીજુ વિશ્વ યુદ્ધ થયું તો તે પરમાણુ હથિયારોનો ઉપયોગ કરતા નહીં અચકાય.   

પ્રેસિડન્ટ પુતિને  ન્યૂક્લિયર ફોર્સને તૈયાર રહેવાનો આદેશ આપ્યો

પ્રેસિડન્ટ પુતિને તેમના દેશની ન્યૂક્લિયર ફોર્સને તૈયાર રહેવાનો પણ આદેશ આપ્યો છે અને તેણે મિત્ર દેશ બેલારુસની સાથે યુદ્ધાભાસ પણ શરુ કર્યો હોવાની ખબર આવી હતી. રશિયાની ન્યુક્લિયર એટેકની ધમકી ખરેખર ગંભીર છે જો આવું થશે તો તબાહી મચી જશે. 

રશિયન એરટ્રૂપર્સે હોસ્પિટલ પર કર્યો હુમલો

રશિયાએ યુક્રેનના બીજા સૌથી મોટા શહેર પર હવે હુમલા વધારી દીધા છે. રશિયાએ પોતાના એરટ્રૂપર્સ લેન્ડ કરી દીધા છે. સમાચાર એવાં સામે આવી રહ્યાં છે કે, આ હવાઈ જવાનોએ એક હોસ્પિટલ પર હુમલો કર્યો છે. મળતી માહિતી મુજબ, રશિયન અને યુક્રેનનાં સૈનિકો વચ્ચે ધમાસાણ યુદ્ધ ચાલી રહ્યું છે.