હેલ્થ / ખતરાની ઘંટી નહીં સમજો તો વધી જશે હાર્ટઍટેકનો ખતરો! કોલેસ્ટ્રોલ વધવા પર દેખાય છે આ 5 લક્ષણ

• હાથ અને પગમાં દુ:ખાવો 
• આંખોની આસપાસ ફેટ જમા થાય છે 
• વારંવાર માથાનો દુ:ખાવો

કોલેસ્ટ્રોલ વધવાનાં કારણે શારીરિક સમસ્યાઓ સર્જાય શકે છે. જો તેને સમયસર કાબુમાં લેવામાં ન આવે તો તે જીવલેણ પણ સાબિત થઈ શકે છે. કોલેસ્ટ્રોલ વધવાની સીધી અસર હ્રદયના સ્વાસ્થ્ય પર પડે છે. તાજેતરના સમયમાં હાર્ટ એટેકથી મૃત્યુ પામનારાઓની સંખ્યામાં નોંધપાત્ર વધારો થયો છે. તેથી યોગ્ય સમયે લિપિડ પ્રોફાઈલ ટેસ્ટ કરાવી લેવો જોઈએ. જાણો સ્વાસ્થ્ય નિષ્ણાંત પાસેથી કે જ્યારે કોલેસ્ટ્રોલ વધે છે ત્યારે તમારા શરીરમાં કયા લક્ષણો દેખાય છે.

ઉચ્ચ કોલેસ્ટ્રોલના શારીરિક લક્ષણો 

હાથ અને પગમાં દુ:ખાવો 
જો નસોમાં કોલેસ્ટ્રોલ વધી ગયું હોય તો તમને વારંવાર તમારા હાથ અને પગમાં દુ:ખાવો થવા લાગે છે, કારણ કે પ્લેક જમા થવાને કારણે તમારા પગની અને હાથની રક્તવાહિનીઓમાં બ્લોકેજ થઈ જાય છે. તેથી લોહી અને ઓક્સિજન તે ભાગોમાં યોગ્ય રીતે પહોંચી શકતા નથી.

ડાબી છાતીમાં દુ:ખાવો
હૃદય શરીરની ડાબી બાજુએ હોવાથી, અહીં ઉચ્ચ કોલેસ્ટ્રોલને કારણે છાતીમાં તીવ્ર દુ:ખાવો થાય છે. જો રક્તવાહિનીઓમાં ઓછામાં ઓછું પ્લેક જમા થતું હોય તો પણ તે રક્ત પ્રવાહ પર નકારાત્મક અસર કરે છે. જેના કારણે છાતીમાં દુ:ખાવો થાય છે.

વાંચવા જેવું: કબજિયાતનો અકસીર ઉપાય: દૂધમાં આ વસ્તુ મિક્સ કરીને પી જાઓ, ઊંઘ પણ સારી આવશે

આંખોની આસપાસ ફેટ જમા થાય છે 
કોલેસ્ટ્રોલ આંખોનાં પોપચા પર પણ જમા થઈ શકે છે. જ્યાં તેને ઝેન્થેલાસ્માસ કહેવામાં આવે છે. જ્યારે આ ભાગમાં ચરબી જમા થાય છે, ત્યારે તાત્કાલિક સતર્ક થવાની જરૂર છે.

ડિપ્રેશન અને મેમરી લોસ
દુનિયાભરમાં થયેલા ઘણા સંશોધનોમાં એ સાબિત થયું છે કે જો તમારી નસોમાં ખરાબ કોલેસ્ટ્રોલનું પ્રમાણ વધી જાય તો વ્યક્તિ તણાવ અને મેમરી લોસનો શિકાર બની શકે છે.

હાથ-પગમાં વારંવાર કળતર
હાથ-પગમાં કળતર એ લોહીનું પરિભ્રમણ ઓછું થવાની નિશાની છે. આવું ત્યારે થાય છે જ્યારે લોહીમાં કોલેસ્ટ્રોલનું સ્તર નોંધપાત્ર રીતે વધી જાય છે. જેના કારણે લોહીનો પ્રવાહ ધીમો પડી જાય છે.

વારંવાર માથાનો દુ:ખાવો
જ્યારે માથાની આસપાસના વિસ્તારમાં રક્તવાહિનીઓ જામ થઈ જાય છે, ત્યારે માથાના પાછળના ભાગમાં તીવ્ર દુ:ખાવો શરૂ થાય છે. જો આ સમસ્યાની સમયસર સારવાર કરવામાં ન આવે તો તે સ્ટ્રોકનું કારણ બની શકે છે.