- DGCAએ આંતરરાષ્ટ્રીય ફ્લાઇટ સેવાઓ વધુ એક મહિના માટે રદ્દ કરી
- 40 મિનિટથી નીચેના રૂટ માટે લોઅર કેપ રૂ. 2900
- ફ્લાઇટ્સને સાત જુદી જુદી કેટેગરીમાં વહેચણી કરાઈ
કોરોનાની ત્રીજી લહેરની આશંકાને ધ્યાનમાં રાખીને સરકારે નિર્ધારિત આંતરરાષ્ટ્રીય વાણિજ્યિક પેસેન્જર ફ્લાઇટને ૩૦ સપ્ટેમ્બર સુધી સ્થગિત કરી દીધી છે.
સમગ્ર દેશમાં કોરોનાની ત્રીજી લહેરની આશંકા તીવ્ર બની રહી છે. દેશમાં કોરોના નવા કેસો એકદમ ઝડપથી વધી રહ્યા છે. હાલ સમગ્ર દેશમાં દૈનિક 45,000થી વધુ કેસ નોંધાઈ રહ્યા છે. ત્યારે કેન્દ્વ સરકારે હાલની પરિસ્થિતિને ધ્યાનમાં રાખીને આંતરરાષ્ટ્રીય વાણિજ્યિક ફ્લાઇટ્સ પર અગામી ૩૦ સપ્ટેમ્બર સુધી પ્રતિબંધમાં વધારો કરવાની જાહેરાત કરી છે. આ માહિતી ડીજીસીએ દ્વારા શેર કરવામાં આવી છે. ઉલ્લેખનીય છે કે, અગાઉ ડીજીસીએએ ભારત અને ભારત માટે નિર્ધારિત આંતરરાષ્ટ્રીય ફ્લાઇટ સર્વિસ 31 ઓગસ્ટ સુધી સ્થગિત કરી દીધી હતી. હવે તેને એક મહિના માટે એટલે કે, ૩૦ સપ્ટેમ્બર સુધી લંબાવવામાં આવ્યો છે. આ નિયમ આંતરરાષ્ટ્રીય કાર્ગો ફ્લાઇટ્સને લાગુ પડશે નહીં. તદુપરાંત, જો કોઈ ફ્લાઇટને ડીજીસીએ તરફથી વિશેષ મંજૂરી મળી હોય, તો ત્યાં પણ નિયમ લાગુ નહીં પડે.
પ્રતિબંધ વચ્ચે એર બબલ સાથે હવાઈ જોડાણ ચાલુ છે.
મહત્વનું છે કે, ગત માર્ચ 2020માં સરકારે સૌ પ્રથમ દેશભરમાં 21 દિવસનું લોકડાઉન લાદ્યું હતું. આ સાથે જ ટ્રેનો, વિમાનો સહિતની તમામ સેવાઓ લગભગ બે મહિના માટે સ્થગિત કરવામાં આવી હતી. ત્યારે સરકાર દ્વારા ગત મે થી ફ્લાઇટ સેવા પુનઃસ્થાપિત કરવામાં આવી હતી. જેમાં ફક્ત ઘરેલું હવાઈ સેવાને મંજૂરી આપી હતી. આંતરરાષ્ટ્રીય ફ્લાઇટ્સ પર હજી પણ પ્રતિબંધ છે. દરમિયાન બંને દેશો વચ્ચે એર બબલ સાથે હવાઈ જોડાણ ચાલુ છે.
ઘરેલું ફ્લાઇટ્સને સાત જુદી જુદી કેટેગરીમાં વહેચણી કરાઈ છે.
મુસાફરી માટે લેવામાં આવેલા સમયના આધારે ઉડ્ડયન વિભાગ દ્વારા ઘરેલું ફ્લાઇટ સેવાને સાત જુદા જુદા બેન્ડમાં વહેંચવામાં આવી છે. દરેક બેન્ડ માટે પ્રાઇસ કેપ (ન્યૂનતમ અને મહત્તમ ભાડું) નક્કી કરવામાં આવી છે. આ મહિને સરકારે દરેક બેન્ડ માટે લઘુતમ અને મહત્તમ ભાડામાં વધારો કરવાની જાહેરાત કરી હતી.
40 મિનિટથી નીચેના રૂટ માટે લોઅર કેપ રૂ. 2900
લોઅર એર ફેરને 40 મિનિટથી ઓછા રૂટ માટે 2600 થી વધારીને 2900 કરવામાં આવ્યું છે. ઉપરની કેપ 12.82 ટકા વધારીને 8800 કરવામાં આવી છે. 40-60 મિનિટના એર રૂટ માટે લોઅર કેપ 3300થી વધારીને 3700 અને એપાલ કેપ 12.24 ટકા વધારીને 11,000 રૂપિયા કરવામાં આવી છે. 60-90 મિનિટની ફ્લાઇટ માટે ન્યૂનતમ કેપ વધારીને 4500 રૂપિયા અને અપર કેપ વધારીને 13200 રૂપિયા કરવામાં આવી છે.
શું છે નવી લોઅર કેપ તે જાણો
90 થી 120, 120-150, 150-180 અને 180-210 મિનિટની ફ્લાઇટ્સ માટે નીચી મર્યાદા વધારીને રૂ.5300, 6700, 8300 અને રૂ.9800 કરવામાં આવી છે. હાલ આ કેપ 4700 રૂપિયા, 6100 રૂપિયા, 7400 અને 8700 રૂપિયા હતી. ઉપરની કેપમાં 12.3 ટકા, 12.42 ટકા, 12.74 ટકા અને 90-120, 120-150, 150-180 અને 180-210 મિનિટની ફ્લાઇટ્સ માટે 12.39 ટકાનો વધારો કરવામાં આવ્યો છે. આમાં પેસેન્જર સિક્યોરિટી ફી અને યુઝર ડેવલપમેન્ટ ફીનો સમાવેશ થતો નથી.
