એલર્ટ / દર્દીઓનું કોરોના ટેસ્ટિંગ, હોસ્પિટલોમાં બેડ-ઑક્સીજનની વ્યવસ્થા: અમદાવાદમાં કોરોના કેસનો આંકડો 30ને પાર, તંત્ર ઍલર્ટ મોડ પર

• અમદાવાદમાં કોરોનાનો કહેર
• કેસની સંખ્યા 33 પર પહોંચી
• હોસ્પિટલમાં દર્દી આવે ત્યારે કરાય છે ટેસ્ટિંગ 

corona virus updates: દેશ અને ગુજરાતમાં કોરોનાના કેસ વધી રહ્યા છે. ત્યારે કોરોનાના કેસને લઈ આરોગ્ય વિભાગ પણ એલર્ટ મોડમાં જોવા મળી રહ્યો છે. અમદાવાદમાં કોરોના કેસની સંખ્યા 33 પર પહોંચી ગઈ છે. વધતા કેસ વચ્ચે તંત્ર એલર્ટ મોડ પર જોવા મળી રહ્યો છે. હોસ્પિટલોમાં બેડ, ઓક્સિજન અને દવાની વ્યવસ્થા કરાઈ રહી છે. 

ટેસ્ટિંગની વ્યવસ્થા પ્રક્રિયા
રાજ્યમાં કોરોના ટેસ્ટિંગની વ્યવસ્થા પ્રક્રિયા શરૂ કરવાની કામગીરી કરાઈ રહી છે. ક્રિસમસની રજાને લઈને આવતીકાલથી કામગીરી શરૂ કરાશે. હાલ અસારવા સિવિલ, શારદાબેન, SVP હોસ્પિટલમાં દર્દી આવે ત્યારે ટેસ્ટિંગ કરાય છે. કોરોના વાયરલનો વધુ એકવાર સંક્રમણ વધતા રાજ્યમાં આરોગ્ય વિભાગ એલર્ટ મોડમાં આવી તમામ અગમચેતી તૈયારી કહી રહ્યું છે. 

સ્પેશિયલ વોર્ડ શરૂ કરાયો 
અમદાવાદમાં કોરોનાના કેસ વધતા તંત્ર એલર્ટ થઈ સોલા સિવિલમાં કોરોના માટે સ્પેશિયલ વોર્ડ શરૂ કરાયો છે. 25 બેડનો કોરોના માટે સ્પેશિયલ વોર્ડ તૈયાર કરાયો છે, જેમાં વેન્ટિલેટર, દવાઓ અને ઓક્સિજનની સુવિધા ઉપલબ્ધ કરવામાં આવી છે

કોરોના કેસમાં વધારો
દેશમાં કોરોનાના કેસમાં સતત વધારો થઈ રહ્યો છે. કોવિડના નવા વેરિયન્ટ JN.1ને લઈને ચિંતા વધી છે. દેશમાં 24 કલાકમાં કોરોનાના કેસમાં સતત વધારો થઈ રહ્યો છે. દેશમાં કોરોનાના 3,500થી વધુ એક્ટિવ કેસ નોંધાયા છે. વધાતા કોરોનાના કેસને જોતા કેન્દ્ર સરકાર તરફથી તમામ રાજ્યને સતર્ક રહેવા તાકીદ કરવામાં આવી છે.