- 15 વર્ષના છોકરાના પેટમાંથી 3 ફૂટ લાંબી ચાર્જિંગ કેબલ અને હેરપીન નીકળી
- બાળકને ઉલ્ટી અને પેટમાં તીવ્ર દુખાવો થતા હોસ્પિટલમાં દાખલ કરાયો હતો
- હોસ્પિટલમાં દાખલ થયા બાદ ચોંકાવનારો મામલો સામે આવ્યો
ઘણી વખત એવું બને છે કે બાળકો રમતી વખતે ભૂલથી તેમના મોંમાં કોઈ અનિચ્છનીય વસ્તુ નાખી દે છે, જે સીધી તેમના પેટ સુધી પહોંચે છે. આવી સ્થિતિમાં પેટમાં દુખાવો થાય છે. પછી ડૉક્ટર પાસે જાઓ, ઑપરેશન કરાવો, આ બધી પરેશાનીઓ ઊભી થાય છે અને ક્યારેક જીવ પણ જોખમમાં હોય છે. એટલા માટે કહેવાય છે કે આવી બધી વસ્તુઓ બાળકોની પહોંચથી દૂર રાખવી જોઈએ, જેને તેઓ મોંમાં મૂકી શકે. તમે બાળકોને મોઢામાં સિક્કા વગેરે નાખતા જોયા જ હશે, પરંતુ ઘણી વખત આ સાથે જોડાયેલા અજીબોગરીબ કિસ્સાઓ પણ જોવા અને સાંભળવા મળે છે. આજકાલ એક એવો જ મામલો ચર્ચાનો વિષય બની ગયો છે, જેના વિશે જાણીને તમે દંગ રહી જશો.
ડૉક્ટરોએ 15 વર્ષના છોકરાના પેટમાંથી 3 ફૂટ લાંબી ચાર્જિંગ કેબલ નીકળ્યો
તુર્કીમાં, ડૉક્ટરોએ 15 વર્ષના છોકરાના પેટમાંથી 3 ફૂટ લાંબી ચાર્જિંગ કેબલ કાઢ્યો છે. બાળકને ઉલ્ટી અને પેટમાં તીવ્ર દુખાવો થતાં હોસ્પિટલમાં દાખલ કરવામાં આવ્યો હતો. બાળકના પરિવારજનો સમજી શક્યા ન હતા કે મામલો શું છે, તેથી ડૉક્ટરોએ એક્સ-રે કરાવવાનું સૂચન કર્યું. એક્સ-રે કરાવતાં સમગ્ર મામલો સ્પષ્ટ થયો હતો. રિપોર્ટમાં ડૉક્ટરોને બાળકના પેટમાં ચાર્જિંગ કેબલ જોવા મળ્યો. ઉતાવળમાં તેના પેટની સર્જરી કરવામાં આવી અને ડોક્ટરોએ સફળતાપૂર્વક બાળકના પેટમાંથી કેબલ કાઢી નાખ્યો.
ચાર્જિંગ કેબલ સિવાય, ડૉક્ટરોએ સર્જરી દ્વારા બાળકના પેટમાંથી વાળની ગુંચો પણ કાઢી નાખી છે. જો કે, હજુ સુધી ખબર નથી પડી કે ચાર્જિંગ કેબલ જેવી મોટી વસ્તુ બાળકના પેટમાં કેવી રીતે ગઈ?
