હર હર મહાદેવ / VIDEO: 9000 વર્ષ જૂની ગુફામાં પાણીના ટપકાથી બને છે શિવલિંગ, ગુજરાતમાં જ આવેલી છે આ જગ્યા, જુઓ ક્યાં

• પોરબંદરના રાણાવાવમાં આવેલી છે ગુફા
• 9000 વર્ષ જૂની ગુફા હોવાની માન્યતા
• પાણીના ટપકાથી બને છે શિવલિંગ

પોરબંદર જિલ્લાના રાણાવાવ તાલુકા ખાતે આવેલ વર્ષો જૂની જાંબુવનની ગુફામાંથી વિશે ઓછા લોકો જાણતા હશે. પરંતુ આ ગુફા સાથે રામાયણથી લઈ મહાભારતકાળ સુધીનો સંબંધ હોવાની માન્યતા છે.આ ગુફામાંથી ટપકતા પાણીને કારણે જમીન પર સ્વયંભૂ શિવલિંગ બને છે.

અહીંયા શિવરાત્રી ધામધૂમથી ઉજવાય છે
પોરબંદર નજીક આવેલ જાંબુવનની ગુફા આવેલી છે. આ ગુફા સાથે રામાયણથી મહાભારત સુધીનો ઇતિહાસ જોડાયેલ છે. તો સાથો સાથ આ ગુફામાંથી ટપકતા પાણીને કારણે જમીન પર સ્વયંભૂ શિવલિંગ ઉતપન્ન થાય છે. આ ગુફા અંદાજે 9000 વર્ષ જૂની હોવાની માનવામાં આવે છે. ભગવાન શ્રીરામના અવતારમાં ભગવાન રામને લંકા સુધી પોહચવા સમુદ્ર સેતુ બાંધવામાં મદદરૂપ થનાર જાંબુવન સાથે જોડાયેલ છે.જાંબુવન પોતાની પુત્રી જાંબુવતી સાથે અહીં રહેતા હતા. ભગવાન શ્રીકૃષ્ણ મણી શોધતા શોધતા જાંબુવનની ગુફામાં ગયા હતા. ત્યારબાદ ગુફામાં સતત 18 દિવસ સુધી ભગવાન શ્રીકૃષ્ણ અને જાંબુવન વચ્ચે યુદ્ધ ચાલ્યું હતું. અને અંતે જાંબુવતે પોતાની પુત્રી જાંબુવતીના લગ્ન ભગવાન શ્રીકૃષ્ણ સાથે કરાવી મણી ભગવાન શ્રીકૃષ્ણને કન્યાદાનમાં આપી હતી.

જાંબુવન ગુફાનો ભક્તોમાં મહિમા
આ ગુફાની બીજા ખાસિયત એ છે કે આ ગુફાના ઉપરના ભાગથી 365 દિવસ પાણી ટપકતું રહે છે. આ ટપકતા પાણીને કારણે જમીન પર સ્વયંભૂ શિવલિંગ તૈયાર થાય છે.જેને કારણે આ ગુફામાં હજારોની સંખ્યામાં શિવલિંગ જોવા મળે છે. આ રીતે આ ગુફામાં બ્રહ્મા,વિષ્ણુ,અને મહેશ એમ ભગવાનના ત્રણેય અવતાર સાથે જોડાયેલ છે. શિવરાત્રીના પાવન દિવસે અહીં મેળો ભરાય છે. તો મહા પૂજા, આરતી અને પ્રસાદી સહિતના ધાર્મિક કર્યક્રમોનું આયોજન રામેશ્વર મંડળ દ્વારા કરવામાં આવે છે.

આ ગુફામાં બે રસ્તા પડે છે. જેમાંથી એક રસ્તો બેટદ્વારકા નીકળે છે. તો બીજો રસ્તો જૂનાગઢ ગિરનારના પર્વત નજીક નીકળતો હતો. હાલ તો આ રસ્તા નીચે ઉતરતા બંધ થઈ ગયા છે. પરંતુ ભૂતકાળમાં આ રસ્તાથી બેટ દ્વારકા અને જૂનાગઢ જવાતું હતું. જાંબુવતની ગુફા ધર્મ સાથે જોડાયેલ હોવાથી વર્ષ દરમિયાન હજારો ભક્તો અહીં દર્શનાર્થે આવે છે.