- અભિનેત્રી તૃષા ક્રિષ્નન પરની અપમાનજનક ટિપ્પણીનો મામલો
- અભિનેતા મન્સૂર અલી ખાને કરી હતી વિવાદીત ટિપ્પણી
- મહિલા આયોગે જાતે જ નોંધ લીધી
અભિનેતા મન્સૂર અલી ખાને અભિનેત્રી તૃષા ક્રિષ્નન પર કરેલી અપમાનજનક ટિપ્પણીનો વિવાદ વધુ વકર્યો છે અને હવે આ મામલે મહિલા આયોગે જાતે જ નોંધ લીધી છે. આયોગ દ્વારા આ અંગે મન્સૂર અલી ખાન વિરુદ્ધ IPC કલમ 509B સહિતની કલમો હેઠળ ગુન્હો દાખલ કરવા નિર્દેશ જારી કર્યા છે. નોંધનિય છે કે મન્સૂર અલી ખાને ત્રિશા કૃષ્ણન વિરુદ્ધ વાંધાજનક ટિપ્પણી કરી છે. તાજેતરમાં લોકેશ કંગરાજની ફિલ્મ લિયોમાં દેખાયા હતા. તેઓએ ફિલ્મમાં મહત્વની ભૂમિકાઓ ભજવી હતી.
તૃષાએ પણ X પર પોતાની પ્રતિક્રિયા આપી
રાષ્ટ્રીય મહિલા આયોગ દ્વારા આ મામલે સોશિયલ મીડિયા પર જણાવાયા અનુસાર મન્સૂર અલી ખાનનો એક વીડિયો સોશિયલ મીડિયા પર વાયરલ થઈ રહ્યો છે. જેમા તે તૃષા વિરુદ્ધ આડેધડ નિવેદન આપતા દ્રશ્યમાન થઈ રહ્યા છે. જેને લઈને વિવાદ છેડાયો છે. આ જવાબમાં તૃષાએ પણ X પર પોતાની પ્રતિક્રિયા આપી છે. ત્રિશાએ જણાવ્યું કે મારા ધ્યાને એક વીડિયો આવ્યો છે. જેમાં મન્સૂર અલી ખાન મારા વિશે આડેધડ નિવેદન આપે છે. જેને હું વખોડી કાઢું છું. જે અપમાનજનક છે. હું ખાતરી કરીશ કે મારી બાકીની ફિલ્મ કારકિર્દીમાં આવ પ્રકારનો ભોગ ન બનવું પડે. તેમને ત્યાં સુધી જણાવી દીધું હતું કે તેમના જેવા લોકો માનવતાનું નામ ખરાબ કરી નાખે છે.
આવો છે કેસ?
વિગત અનુસાર વીડિયોમાં મન્સૂર તૃષા જણાવતા કહે કે જ્યારે મેં સાંભળ્યું કે હું ત્રિશા સાથે કામ કરી રહી છું ત્યારે મને લાગ્યું કે ફિલ્મમાં કેટલાક બેડરૂમ સીન હશે.ત્યારે મેં વિચાર્યું કે તેને હું પણ બેડરૂમ સુધી લઇ જાઈશ. જે મેં અગાઉના ફિલ્મમાં અન્ય હીરોઇનને લીધી છે. મેં ઘણી ફિલ્મોમા બળાત્કારના દ્રશ્યો જોયા હોવાથી મારા માટે આ નવું નથી. તેઓએ આગળ જણાવાયું હતું કે આ લોકોએ મને કાશ્મીર શિડ્યુલ દરમિયાન તૃષાને બતાવી પણ ન હતી. બીજેપી નેતા અને NCW સભ્ય ખુશ્બુ સુંદરે પણ તૃષાને સમર્થન આપ્યું છે.
