બુકાની ધારી ગેંગ / તમે કાર ડ્રાઈવર રાખતા હોય તો રહેજો એલર્ટ, ભાવનગરમાં વૃદ્ધના ઘરમાં જાસૂસી કાંડ બાદ ચોરીનો બનાવ ખૂલતાં હડકંપ, 4 ઝબ્બે

• ભાવનગર પોલીસ લૂંટ, ધાડનો ગુનો ઉકેલ્યો
• પોલીસે 10 પૈકીના 4 આરોપીને ઝડપી પાડ્યા
• મુખ્ય આરોપી જુના ડ્રાઈવર જ હતો

Bhavnagar Crime : જો તમે ડ્રાઈવર રાખવાના હોય તો ચેતી જજો, કારણ કે ભાવનગરથી અજીબ કિસ્સો સામે આવ્યો છે. ભાવનગરના મહુવામાં કરમદીયા ગામે ધાડ પાડીને લાખો રૂપિયાની લૂંટ ચલાવનાર બુકાની ધારી ગેંગનાં ચાર આરોપીઓ ઝડપાયા છે, જેમાં એક જુના ડ્રાઈવર હતો. ભાવનગર જિલ્લા જેલમાં જ પ્લાન રચ્યું હતું. બગદાણા પાસેના કરમદીયા ગામે વૃદ્ધ દંપતીને ત્યાં છરી ગીલોલ અને ધોકા સાથે આ ગેગ રાત્રીના સમયે ત્રાટકી હતી અને વૃદ્ધ દંપતી તેમજ પૌત્રીને માર મારી દાગીના સાથે લાખો રૂપિયાની લૂંટ ચલાવી હતી.  જો કે, પોલીસે 10 પૈકીના 4 આરોપીને ઝડપી ને અન્ય આરોપીની શોધખોળ શરૂ કરી છે  

જીવલણ હુમલો કર્યો હતો
ભાવનગર જિલ્લામાં લૂંટ, ધાડ જેવી ક્રાઈમની ઘટના વધી રહી હોય તેવુ જણાઈ રહ્યું છે. તાજેતરમાં મહુવા તાલુકાના કરમદીયા ગામે રાત્રિના સમયે પરિવાર ફળિયામાં ઉંઘ્યો હતો. તે સમયે અગાઉથી કાવતરું રચીને લૂંટ સાથે ધાડને અંજામ આપનાર 10 જેટલા શખ્સો હથિયાર સાથે પહોંચ્યા હતા. વૃદ્ધ દંપતી પર જીવલણ હુમલો કરીને સોનાની ચેન તેમજ કાનમાં પહેરેલા બુટ્ટી અને ઘરમાં રહેલ રોકડ લાખો રૂપિયા સહિત 6 લાખથી વધુની લૂંટ ચલાવી હતી. આ ગુનાનો ભેદ ભાવનગર લોકલ ક્રાઈમ બ્રાન્ચની ટીમે ઉકેલીને દસ આરોપીઓમાંથી ચાર આરોપીઓને ઝડપી પાડ્યા છે

પોલીસે વધુ તપાસ હાથ ધરી
ફરિયાદી લાભશંકર મૂળ કન્સ્ટ્રક્શનના વ્યવસાય સાથે જોડાયેલા છે અને તેમને ત્યાં ડ્રાઇવર તરીકે રાખેલ મુખ્ય આરોપી ગોવિંદને નોકરીમાંથી છૂટો કર્યા બાદ ગુનાના કામમાં ભાવનગર જિલ્લા જેલમાં હતો. તે સમયે વનરાજ નામના ઇસમ સાથે સંપર્કમાં આવતા લૂંટ સાથે ધાડનો સમગ્ર પ્લાન રચવામાં આવ્યો હતો. જે જેલ માંથી છૂટ્યા બાદ અગાઉ રચેલા પાન મુજબ પોતાના શેઠને ત્યાં જ ધાડ પાડી હતી. જેનો ભેદ પોલીસે ઉકેલી આરોપી 1. ગોવિંદ ભાલિયા 2. અજય વાઘેલા 3. વિપુલ 4. વિનુભાઈ ખેરાળાને ઝડપી પડ્યાં હતાં. પોલીસે 2,46,350નો મુદ્દા માલ રિકવર કર્યો છે