આગાહી / ભરશિયાળે ગુજરાતમાં ફરી વધશે તાપ: ત્રણ દિવસમાં તાપમાનમાં બેથી ત્રણ ડિગ્રીનો થશે વધારો, જાણો પાંચ દિવસની આગાહી

• હવામાન વિભાગની વાતાવરણ અંગે આગાહી
• રાજ્યમાં આગામી 5 દિવસ વાતાવરણ સુક્કું રેહશે
• 3 દિવસ સુધી તાપમાનમાં 2 થી 3 ડિગ્રી વધારો થશે
• નલિયા 10.5 ડિગ્રી સાથે સૌથી ઠંડું શહેર

હાલમાં સમગ્ર રાજ્યમાં ઠંડીની સીઝન ચાલી રહી છે. ત્યારે હવામાન વિભાગ દ્વારા વાતાવરણ અંગે આગાહી કરી છે. રાજ્યમાં આગામી 5 દિવસ વાતાવરણ સુક્કુ રહેશે. 3 દિવસ સુધી તાપમાનમાં 2 થી 3 ડિગ્રીનો વધારો થશે. ઠંડીનાં પારાની વાત કરીએ તો નલિયામાં 10.5 ડિગ્રી સાથે સૌથી ઠંડું શહેર રહેવા પામ્યું હતુ. અમદાવાદમાં તાપમાન 16.5 ડિગ્રી નોંધાયું હતું. 

આગામી  દિવસોમાં ઠંડીનો પારો વધી શકે છેઃ મનોરમા મોહંતી (ડાયરેક્ટર, હવામાન વિભાગ)
આ બાબતે હવામાન વિભાગનાં ડાયરેક્ટર મનોરમા મોહંતીએ જણાવ્યું હતું કે આગામી પાંચ થી સાત દિવસ રાજ્યમાં વરસાદની કોઈ સંભાવના નથી.  તેમજ તાપમાનનો પારો આગામી દિવસોમાં બે થી ત્રણ ડિગ્રી વધી શકે છે.  તેમજ ન્યૂનતમ તાપમાનનાં પારામાં વધારો થવાની સંભાવનાં છે. હાલ ઠંડીની સીઝન ચાલી રહી છે.  વાતાવરણમાં ભેજ અને વાદળો છવાયા હોવાથી તાપમાનનો પારો પારો 2 થી 3 ડિગ્રી વધવાની શક્તા છે. 

આજે ક્યાં કેટલું તાપમાન નોંધાયું
અમદાવાદમાં 17.4 ડિગ્રી, વડોદરામાં 17.8 ડિગ્રી તાપમાન નોંધાયું છે. જ્યારે સુરતમાં 21.8, રાજકોટ 16.6 તેમજ  દ્વારકા 19 ડિગ્રી તાપમાન નોંધાયું છે. ભૂજની વાત કરીએ તો જ્યાં 15.8, ડિસામાં 14.6, વેરાવળમાં 20.2 ડિગ્રી તાપમાન નોંધાયું છે.