- તેલંગાણાના ગવર્નરે ફ્લાઇટમાં ડૉક્ટરની ફરજ અદા કરી
- મુસાફર IPS અધિકારીની તબિયત લથડતા ફ્લાઇટમાં જ સારવાર કરી
- IPS અધિકારીએ તેલંગાણાના ગવર્નરનો આભાર માન્યો
ઈન્ડિગો એરલાઈન્સમાં એક મુસાફર બીમાર થઈ જતાં તેલંગાણાના ગવર્નરે ડૉક્ટરની ફરજ અદા કરી તેમનો જીવ બચાવ્યો હતો. વાત જાણે એમ છે કે, તેલંગાણાના ગવર્નર તમિલિસાઈ સુંદરરાજન ઈન્ડિગો એરલાઈન્સમાં દિલ્હીથી હૈદરાબાદ મુસાફરી કરી રહ્યા હતા. આ તરફ એજ ફ્લાઇટમાં એડિશનલ ડાયરેક્ટર જનરલ ઑફ પોલીસના રેન્ક ધરાવતા IPS અધિકારી પણ પ્રવાસ કરી રહ્યા હતા. આ દરમ્યાન મધરાત્રે મુસાફર IPS અધિકારીની તબિયત બગડી હતી. જેથી તેલંગાણાના ગવર્નરે ડૉક્ટરની ફરજ બજાવી તેમની તાત્કાલિક સારવાર કરી હતી.
શું હતી સમગ્ર ઘટના ?
ટ્વિટર યુઝરે પોસ્ટ કરેલી તસવીરોમાં તેલંગાણાના ગવર્નર સુંદરરાજન મુસાફરની સારવાર કરતા જોઈ શકાય છે. સમાચાર એજન્સી પીટીઆઈ અનુસાર બીમાર મુસાફર એડિશનલ ડાયરેક્ટર જનરલના રેન્કના વરિષ્ઠ આઈપીએસ અધિકારી છે. તાજેતરમાં તેલંગાણાના ગવર્નર સુંદરરાજન અને એડિશનલ ડાયરેક્ટર જનરલ ઑફ પોલીસના રેન્ક ધરાવતા IPS અધિકારી ઈન્ડિગો એરલાઈન્સમાં દિલ્હીથી હૈદરાબાદ મુસાફરી કરી રહ્યા હતા. આ દરમ્યાન IPS અધિકારીની તબિયત લાથડતા તેમની સારવાર કરાઇ હતી.
મધરાતે ફ્લાઈટમાં બેચેનીની ફરિયાદ કરતાં સારવાર કરાઇ
આંધ્ર પ્રદેશ કેડરના સભ્ય ઉજેલા હાલમાં એડિશનલ ડીજીપી (રોડ સેફ્ટી) તરીકે કાર્યરત છે. શુક્રવારે મધ્યરાત્રિની આસપાસ તેલંગાણાની રાજધાનીની મુલાકાતમાં IPS અધિકારીએ અસુવિધા અંગે ફરિયાદ કર્યા પછી રાજ્યપાલે ડૉક્ટર તરીકે દફરજ બજાવી તેમની સારવાર કરી હતી.
IPS અધિકારીને ડેન્ગ્યુ હોવાનું ખૂલ્યું
1994 બેચના અધિકારી કૃપાનંદ ત્રિપાઠી ઉજેલા હાલમાં ડેન્ગ્યુનું નિદાન થયા બાદ હૈદરાબાદની હોસ્પિટલમાં સારવાર હેઠળ છે. ઉજેલાએ શનિવારે હૈદરાબાદથી ફોન પર ન્યૂઝ એજન્સી પીટીઆઈને કહ્યું કે મેડમ ગવર્નરે મારો જીવ બચાવ્યો. તેણે મને માતાની જેમ મદદ કરી. નહિતર હું હોસ્પિટલ ના પહોંચ્યો હોત.
