ચેતજો / શરીરના આ લક્ષણોને ક્યારેય ન કરવા જોઈએ નજરઅંદાજ, હોઈ શકે છે સાઇલેન્ટ હાર્ટઅટેકનો ખતરો!

• સાઈલેન્ટ હાર્ટ એટેક આવે ત્યારે છાતીમાં અકળામણ થાય છે
• આ સમસ્યા ઝડપથી ડિટેક્ટ થતી નથી
• જાણો શું છે સાઈલેન્ટ હાર્ટ એટેકના લક્ષણો?

સાઈલેન્ટ હાર્ટ એટેકને સાઈલેન્ટ માયોકાર્ડિયલ ઈંફાર્કશન અથવા SMI કહેવામાં આવે છે. સાઈલેન્ટ હાર્ટ એટેક આવે ત્યારે છાતીમાં અકળામણ થાય છે. આ એક એવી મેડિકલ કંડિશન છે, જે ઝડપથી ડિટેક્ટ થતી નથી. તેમ છતાં આપણે આ પરિસ્થિતિથી બચી શકીએ છીએ. 

સાઈલેન્ટ હાર્ટ એટેકના લક્ષણો
અકળામણ થવી
નોર્મલ હાર્ટ એટેક આવે ત્યારે ચેસ્ટ પેઈન થાય છે. સાઈલેન્ટ હાર્ટ એટેક આવે ત્યારે અકળામણ થાય છે અને બેચેની લાગે છે. સામાન્ય દુખાવો અથવા, અપચો તથા મસલ્સ પેઈન પણ થઈ શકે છે. 
                                         
શ્વાસ લેવામાં તકલીફ
સીડી ચઢતા સમયે અથવા ફિઝીકલ એક્ટિવિટી દરમિયાન શ્વાસ લેવામાં તકલીફ થાય તો તે ગંભીર લક્ષણ છે. શ્વાસ લેવામાં તકલીફ થવી તે સાઈલેન્ટ માયોકાર્ડિયલ ઈંફાર્કશનના લક્ષણ હોઈ શકે છે. 

થાક
શારીરિક એક્ટિવિટીનો અભાવ અને 8 કલાકની ઊંઘ લેવા છતાં પણ થાક લાગે તો તે સાઈલેન્ટ હાર્ટ એટેકના લક્ષણ હોઈ શકે છે. જેના કારણે તમને ખૂબ જ થાક લાગી શકે છે. 

અચાનક પરેસવો વળવો
ખૂબ જ મહેનત કરવાના કારણે અને ગરમીમાં પરસેવો થવો તે સામાન્ય બાબત છે. ખુલ્લા અને ઠંડા વાતાવરણમાં પણ પરસેવો વળવા લાગે તો તે સાઈલેન્ટ હાર્ટ એટેકનું લક્ષણ હોઈ શકે છે. 

ઊંઘમાં તકલીફ
સાઈલેન્ટ હાર્ટ એટેકના કારણે ઊંઘમાં તકલીફ થઈ શકે છે. જેના કારણે સ્લીપિંગ પેટર્ન ડિસ્ટર્બ થાય છે. રાત્રે વારંવાર ઊંઘ ડિસ્ટર્બ થાય છે અને ઊંઘ આવતા વાર લાગે છે. 

ચિંતા
સાઈલેન્ટ હાર્ટ એટેક માનસિક આરોગ્ય માટે ખરાબ માનવામાં આવે છે. જો તમને ચિંતા અને તણાવ થતો હોય, બેચેની થતી હોય તો તાત્કાલિક ડૉકટરની સલાહ લેવી જોઈએ. 

વધુ વાંચો: મોડા સુધી ઉજાગરા કરતાં લોકો પર મોટાપાનું જોખમ: જાણો ઊંઘ અને મેદસ્વિતા વચ્ચે શું છે સંબંધ

(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)