- 31મી મેચમાં પંજાબ કિંગ્સની ટીમે મુંબઈ ઈન્ડિયન્સને 13 રનથી હરાવ્યું
- મેચમાં સ્ટાર બેટ્સમેન સૂર્યકુમાર યાદવે એક મોટો રેકોર્ડ પોતાના નામે કર્યો
- સૂર્યકુમાર યાદવે T20 ક્રિકેટમાં પોતાના 6000 રન પૂરા કરી લીધા
ગઇકાલે IPL 2023ની 31મી મેચમાં પંજાબ કિંગ્સની ટીમે મુંબઈ ઈન્ડિયન્સને 13 રનથી હરાવ્યું હતું અને એ મેચમાં પહેલા બેટિંગ કરતા પંજાબની ટીમે 8 વિકેટ ગુમાવીને 214 રન બનાવ્યા હતા. એ ટાર્ગેટ મેળવવા માટે મુંબઈની ટીમ 6 વિકેટ ગુમાવીને માત્ર 201 રન જ બનાવી શકી હતી. જો કે મુંબઈની ટીમ આ મેચ હારી ગઈ હતી પણ આ મેચમાં સ્ટાર બેટ્સમેન સૂર્યકુમાર યાદવે એક મોટો રેકોર્ડ પોતાના નામે કર્યો હતો.
જણાવી દઈએ કે સૂર્યકુમાર યાદવે T20 ક્રિકેટમાં પોતાના 6000 રન પૂરા કરી લીધા છે. મહત્વનું છે કે ગઇકાલે એ મેચમાં સૂર્યકુમાર યાદવે પંજાબ સામે 26 બોલમાં 7 ચોગ્ગા અને 3 છગ્ગા ફટકારીને 57 રન બનાવ્યા હતા અને એ સાથે જ સૂર્યા સૌથી ઝડપી 6000 રન બનાવનાર ભારતીય ખેલાડી બની ગયો છે. 6000 રન બનાવતાની સાથે જ તેને ઘણા દિગ્ગજ ખેલાડીઓને પાછળ છોડી દીધા છે.
અંહિયા સૌથી મહત્વની એ છે કે સૂર્યાએ માત્ર 4017 બોલમાં 6000 T20 રન પૂરા કર્યા છે. એ લિસ્ટમાં હાલ સૂર્યકુમાર કરતાં માત્ર આન્દ્રે રસેલ (3550), ગ્લેન મેક્સવેલ (3890), કિરોન પોલાર્ડ (3918) અને ક્રિસ ગેલ (4008) આગળ છે.
સૂર્યા આ યાદીમાં દરેક ભારતીય ખેલાડીઓ કરતાં ઘણો આગળ છે અને તેને આ મામલે સુરેશ રૈનાને પાછળ છોડી દીધો છે. જણાવી દઈએ કે રૈનાના નામે આ રેકોર્ડ 4295 બોલમાં હતો. આ લિસ્ટમાં સૂર્યા 11મો ભારતીય બેટ્સમેન છે જેણે 6 હજાર T20 રન પૂરા કર્યા છે. આ યાદીમાં ત્રીજું નામ કેએલ રાહુલ છે જેને 4342 બોલ રમીને પોતાના 6000 T20 રન પૂરા કર્યા.
સૌથી ઝડપી 6000 T20 રન પૂરા કરનાર ભારતીય:
બોલ - ખેલાડી
4017 - સૂર્યકુમાર યાદવ
4295 - સુરેશ રૈના
4342 - કેએલ રાહુલ
4392 - એમએસ ધોની
4501 - દિનેશ કાર્તિક
