સુરત / જોખમી વીડિયો બનાવ્યા તો ખેર નહીં, 500થી વધુ લોકો સામે કરાઇ કડક કાર્યવાહી, હેલ્પલાઇન નંબર જાહેર

• સુરતમાં જોખમી વીડિયો બનાવ્યા તો ખેર નહીં
• પોલીસની નબીરાઓ સામે લાલ આંખ
• પોલીસે જાહેર કર્યો હેલ્પલાઇન નંબર

સુરત શહેરમાં સ્ટંટબાજો બેફામ બન્યા છે. અને રોજ કોઈને કોઈ સ્ટંટના વીડિયો આવતા રહે છે. ગત રોજ જ સુરતમાંથી 3 વીડિયો સામે આવ્યા હતા. જેમાં યુવાનો જોખમી રીતે જીવલેણ સ્ટંટ કરી રહ્યા હતા. જોકે આવા સ્ટંટબાજોને અટકાવવા માટે હવે સુરત પોલીસે એક નવી પહેલ શરૂ કરી છે. જેમાં એક 74340 95555 નામનો હેલ્પલાઈન નંબર જાહેર કર્યો છે. 

હેલ્પલાઇન નં. 74340 95555
સુરતના નાગરિકોને અપીલ કરાઈ છે કે, આવા કોઈપણ તત્વો સ્ટંટ કરતા જોવા મળે તો તેમનો વીડિયો ઉતારી આ નંબર પર મોકલવામાં આવે. જેથી પોલીસ આવા અસાજિક તત્વો સામે તાત્કાલીક કાર્યવાહી કરી શકે.  જો તમે પણ સુરતમાં રહેતા હોય તો આ 74340 95555 નામનો હેલ્પલાઈન નંબર સેવ કરી લેજો. 

વીડિયો ઉતારી પોલીસને મોકલો
જ્યાં પણ અસામાજિક તત્વોની ગુંડાગીરી કે, નબીરાઓની સ્ટંટબાજી દેખાય ત્યાં વીડિયો ઉતારી આ નંબર પર મોકલી દેજો. જેથી કરીને આવા તત્વો પર અંકુશ મેળવી શકાય. આશા રાખીએ કે, સુરત પોલીસની આ પહેલમાં સુરતીઓ પણ જોડાશે અને સ્ટંટબાજોને અટકાવવામાં પોલીસની મદદ કરશે.