પ્રદૂષણ / ઓડ ઇવન મામલે દિલ્હી સરકારને સુપ્રીમ કોર્ટે ફટકારી નોટિસ

• પ્રદૂષણથી દિલ્હી મુશ્કેલીમાં 
• દિલ્હી સરકારને સુપ્રીમ કોર્ટની નોટિસ
• ઓડ ઇવન મામલે દિલ્લી સરકારને SCની નોટિસ

દિલ્હીમાં પ્રદૂષણને લઇને લોકોની હાલત ખરાબ થઇ રહી છે. દિલ્હીની હવા ઝેરી બની રહી છે. જેને લઇ દિલ્હી સરકારે ઓડ-ઇવન લાગુ કર્યું હતું. જો કે સુપ્રીમ કોર્ટે પ્રદૂષણ યથાવત હોવાનું કહ્યું છે. ઓડ-ઇવન મામલે સુપ્રીમ કોર્ટે દિલ્હી સરકારને નોટિસ જાહેર કરી છે. 

14 નવેમ્બર સુધીનો ડેટા દિલ્હી સરકાર કોર્ટને આપે

સુપ્રીમ કોર્ટે કહ્યું કે ઑડ-ઈવન ફોર્મ્યૂલા એ ઉકેલ નથી અને આથી ઓડ-ઇવન લાગૂ થયા બાદ 14 નવેમ્બર સુધીનો ડેટા દિલ્હી સરકાર કોર્ટને આપે. આ સાથે જ સુપ્રીમ કોર્ટે પ્રતિદિન ડેટા માગ્યો છે. સુપ્રીમ કોર્ટે કહ્યું કે વાયુ પ્રદૂષણને લઇને અમને રોજનો ડેટા જોઇએ છે. 

લોકોના સ્વાસ્થ્ય પર થઈ રહી છે અસર

કોર્ટે ગત વર્ષ પણ પ્રદૂષણને લઇને ડેટા માગ્યો હતો. જ્યારે ઓડ-ઇવન લાગૂ ન હતું થયું. તો બીજી તરફ કેજરીવાલે કહી રહ્યા છે કે પંજાબ અને હરિયાણામાં પરાળ સળગાવાથી પ્રદૂષણ વધી રહ્યું છે અને આ પ્રદૂષણની અસર લોકોના સ્વાસ્થ્ય પર થઈ રહી છે. 

16 નવેમ્બર સુધીમાં સુધાર આવવાની શક્યતા

સફરે કહ્યું છે કે દિલ્હી અને અને આસપાસના વિસ્તારોમાં પરાલી સળગાવવાના કારણે હવામાં પ્રદૂષણ વધ્યું છે. લોકો ચોખ્ખી હવા માટે તરસી રહ્યા છે. સફરના જણાવ્યા અનુસાર હાલની ખરાબ હવા 16 નવેમ્બર સુધીમાં સુધરે તેવા ચાન્સ છે. પ્રદૂષણ વધવાના કારણે 15 દિવસમાં 3 વાર દિલ્હી ભયજનક સ્થિતિમાં પહોંચ્યું હતું.