મનોરંજન / Gadar 2 બાદ હવે ફિલ્મ 'માં તુજે સલામ 2'માં સની દેઓલ મચાવશે ધમાલ, પોસ્ટર રિલીઝ

• સની દેઓલ ફિલ્મ ‘ગદર 2’ની સક્સેસ એન્જોય કરી રહ્યા છે
• પર 300 કરોડ કરતા વધુ રૂપિયાની કમાણી કરી
• ‘ગદર 2’ પછી સની દેઓલની અન્ય એક ફિલ્મની જાહેરાત

બોલીવુડ અભિનેતા સની દેઓલ ફિલ્મ ‘ગદર 2’ની સક્સેસ એન્જોય કરી રહ્યા છે. બોક્સ ઓફિસ પર 300 કરોડ કરતા વધુ રૂપિયાની કમાણી કરી છે. આવનારા દિવસોમાં આ આંકડો વધી શકે છે. બ્લોકબસ્ટર ફિલ્મ ‘ગદર 2’ પછી સની દેઓલની અન્ય એક ફિલ્મની જાહેરાત કરવામાં આવી છે. આ ફિલ્મનું નામ ‘માં તુજે સલામ 2’ છે. 

ફિલ્મ ‘માં તુજે સલામ’ વર્ષ 2002માં આવી હતી. સની દેઓલે આ ફિલ્મમાં લીડ રોલ ભજવ્યો હતો. ટૂંક સમયમાં આ ફિલ્મની સીક્વલનું શુટીંગ શરૂ થશે. આ ફિલ્મનું પોસ્ટર રિલીઝ કરવામાં આવ્યું છે, જેમાં તિરંગામાં ‘માં તુજે સલામ 2’ લખવામાં આવ્યું છે. પોસ્ટરમાં એક ફેમસ ડાયલોગ પણ લખ્યો છે કે, ‘દૂધ માંગોગે તો ખીર દેંગે, કાશ્મીર માંગોગે તો લાહોર ભી છીન લેંગે’.

"दुध मांगोगे तो खीर देंगे,
कश्मीर मांगोगे तो लाहौर भी छीन लेंगे" - Major Pratap Singh
💥💥As promised, here's the BIG announcement💥💥

MAA TUJHE SALAAM 2 to go on floors soon. Get ready for another patriotic, action entertainer...coming soon in CINEMAS!#MaaTujheSalaam2… pic.twitter.com/QWHV1ncsFp

— Atul Mohan (@atulmohanhere) August 20, 2023

રિપોર્ટ્સ અનુસાર સની દેઓલ આ ફિલ્મમાં લીડ રોલ ભજવી શકે છે. અભિનેતા અને મેકર્સ તરફથી આ બાબતે કોઈ સ્પષ્ટતા કરવામાં આવી નથી. ફિલ્મ ‘ગદર 2’ની વાત કરવામાં આવે તો, 22 વર્ષ પછી આ ફિલ્મની સીક્વલ બનાવવામાં આવી છે. અનિલ શર્માએ ફિલ્મ ‘ગદર 2’નું નિર્દેશન કર્યું છે. સની દેઓલની સાથે અમીષા પટેલ અને ઉત્કર્ષ શર્માએ ફિલ્મમાં લીડ રોલ ભજવ્યો છે.