- રામ જન્મભૂમિ કેસ પર પણ ફિલ્મ બનશે
- 70 વર્ષ સુધી ચાલુ રહી આ લડાઈ
- 90ની સાલના આ બે સુપરસ્ટાર્સ બનશે વકિલ
રામ મંદિર કેસનો નિર્ણય 2019માં આવી ચુક્યો છે. પરંતુ આ જુનો કેસ આજે પણ લોકોના મનમાં તાજો છે. લગભગ 7 દશક સુધી અયોધ્યામાં રામ મંદિર બનવાને લઈને કેસ ચાલતો રહ્યો. પહેલા 30 સપ્ટેમ્બર 2010માં ઈલાહાબાદ હાઈકોર્ટે કેસ પર ચુકાદો આપ્યો. જેના બાદ કેસ સુપ્રીમ કોર્ટ પહોંચ્યો.
2019માં સુપ્રીમ કોર્ટે અયોધ્યામાં રામ મંદિર બનાવવા સંબંધીત નિર્ણય આપ્યો અને હવે આખા કેસ પર ફિલ્મ બનવાની તૈયારી શરૂ થઈ ગઈ છે. જી હાં, રામ જન્મભૂમિના કોર્ટના વિવાદ પર ફિલ્મ બનવા જઈ રહી છે. જેમાં બોલિવુડના 90ના દશકના બે સુપરસ્ટાર લીડ રોલમાં હશે.
આ વર્ષે ઓગસ્ટમાં શરૂ થશે શૂટિંગ
ફિલ્મને લઈને અમુક તાજી જાણકારી સામે આવી છે. જેના અનુસાર ફિલ્મમાં પક્ષ-વિપક્ષના વકીલની ભુમિકા માટે સની દેઓલ અને સંજય દત્ત સાથે સંપર્ક કરવામાં આવ્યો છે. રિપોર્ટ્સ અનુસાર ફિલ્મની શૂટિંગ આ વર્ષે ઓગસ્ટથી શરૂ થશે.
ફિલ્મમાં સની દેઓલ અને સંજય દત્ત આમને સામને જોવા મળશે. બન્ને કોર્ટમાં એક બીજા વિરૂદ્ધ કેસ લડતા જોવા મળશે. કહેવામાં આવી રહ્યું છે કે આ ફિલ્મની સંપૂર્ણ શૂટિંગ મુંબઈમાં થશે. જ્યાં એક આખો સેટ તૈયાર કરવામાં આવી રહ્યો છે.
મુંબઈમાં તૈયાર કરવામાં આવ્યો અયોધ્યા મંદિરનો સેટ
મુંબઈના ફિલ્મ સિટીમાં જ અયોધ્યા મંદિરનો સેટ તૈયાર કરવામાં આવ્યો છે અને કોર્ટ રૂમ ડ્રામા માટે કોર્ટ રૂમ બનાવવાનું પણ શરૂ થઈ ચુક્યું છે. જોકે હાલ ફિલ્મ સાથે જોડાયેલી અન્ય ડિટેલ સામે નથી આવી. પરંતુ ફિલ્મમાં સની દેઓલ અને સંજય દત્તની એન્ટ્રીથી તેમના ફેન જરૂર ખુશ થઈ ગયા હશે.
આ પહેલા પણ સની દેઓલે વકીલની ભુમિકા નિભાવી છે. તેમણે સુપરહિટ ફિલ્મ 'દામિની' ફિલ્મમાં પણ વકીલની ભુમિકા નિભાવી હતી. જેને ખૂબ પસંદ કરવામાં આવી. આ ફિલ્મમાં વકીલ બનીને બોલવામાં આવેલો તેમનો ડાયલોગ 'તારીખ પર તારીખ...' આજે પણ ખૂબ પસંદ કરવામાં આવે છે. આજે પણ ઘણા લોકો આ ડાયલોગ બોલતા જોવા મળે છે.
