- સુનીલ શેટ્ટીની દીકરી આથિયાના ક્રિકેટર કેએલ રાહુલ સાથે લગ્ન થયા
- રાહુલને તેના જમાઈ તરીકે મેળવીને ખૂબ ખુશ છે - સુનીલ શેટ્ટી
- કેએલ રાહુલના મેચમાં ખરાબ પ્રદર્શનને કારણે તેને ટ્રોલિંગનો સામનો કરવો પડે
થોડા સમય પહેલા જ બોલિવૂડ એક્ટર સુનીલ શેટ્ટીની દીકરી આથિયાના ક્રિકેટર કેએલ રાહુલ સાથે લગ્ન થયા હતા. આપણે બધા જાણીએ છીએ કે છેલ્લા ઘણા સમયથી કેએલ રાહુલ ક્રિકેટમાં સારું પ્રદર્શન બતાવી શક્યો નથી એવામાં હવે તેના ક્રિકેટ પર પણ સવાલો ઉઠી રહ્યા છે.
નોંધનીય છે કે દીકરી આથિયા સાથે કેએલ રાહુલના લગ્ન બાદ સુનીલ શેટ્ટી ઘણીવાર કહેતા જોવા મળે છે કે તે રાહુલને તેના જમાઈ તરીકે મેળવીને ખૂબ ખુશ છે. અભિનેતાનું તેના જમાઈ સાથે ખૂબ જ સારું બોન્ડિંગ છે. જણાવી દઈએ કે આથિયા શેટ્ટીને 3 વર્ષ સુધી ડેટ કર્યા બાદ કેએલ રાહુલે 23 જાન્યુઆરીએ તેની સાથે લગ્ન કર્યા.
કેએલ રાહુલના મેચમાં ખરાબ પ્રદર્શનને કારણે તેને ટ્રોલિંગનો સામનો કરવો પડે છે. જેના કારણે સુનીલ શેટ્ટી પર તેમના જમાઈના પરફોર્મન્સને લઈને પણ વારંવાર સવાલ ઉઠાવવામાં આવે છે પણ સુનીલ શેટ્ટી પોતાની પર્સનલ અને પ્રોફેશનલ લાઈફને એકદમ અલગ રાખે છે. હાલમાં જ એક ઈન્ટરવ્યુ દરમિયાન સુનીલ શેટ્ટીએ કેએલ રાહુલના ટ્રોલિંગ વિશે વાત કરવામાં આવી હતી.
આ વિશે વાત કરતાં સુનીલ શેટ્ટીએ કહ્યું હતું કે તેને પણ એક સમયે ટ્રોલ કરવામાં આવ્યો હતો અને લોકોએ તેને ખરાબ એક્ટર પણ કહ્યો છે. જો કે ઘણી વખત લોકો મને પૂછે છે કે કેએલ રાહુલને લોકો ટ્રોલ કરે છે આવી પરિસ્થિતિઓમાં તેને શું કરવું જોઈએ પણ એમને હું એટલું જ કહું છું કે કેએલ દેશ માટે રમે છે. દેશ માટે રમવા માટે પસંદ થવાનું સન્માન પોતાનામાં જ મોટી વાત છે.'
ટ્રોલર્સ કટાક્ષ કરતા સુનીલ શેટ્ટીએ વધુમાં કહ્યું કે. ટ્રોલર્સ હંમેશા વિચારે છે કે તે કંઈપણ કહે અને આપણે એ સમજી અને માંની લઈશું...ઠીક છે. ટ્રોલર્સ ટ્રોલ કરતાં રહેશે એ કે હું કઈં નહીં બોલીએ, તેના બેટને બોલવા દ્યો, જીવનના એક તબક્કે નીચું અને બીજા સમયે ઊંચું અનુભવી શકો છો અને જ્યારે તમે તમારા પરિવાર સાથે ઘરે પાછા આવો છો ત્યારે તણાવ ઓગળી જાય છે. એ જ રીતે કેએલ રાહુલે પણ પ્રેક્ટિસ કરવી પડશે અને રમવું પડશે કારણ કે જીવન ત્યાં સમાપ્ત થતું નથી.'
