મૂન મિશન / ચંદ્રયાન-3ના વિક્રમ અને રોવર સાથે આ શું બન્યું? 14 લૂનર ડેમાં પણ ન જાગ્યાં, ચંદ્ર પર હવે ફરી રાત

• ચંદ્ર પર ફરી શરુ થઈ 14 દિવસની રાત 
• 14 દિવસના લૂનર ડેમાં ન જાગી શક્યા વિક્રમ-રોવર
• 14 દિવસની રાત બાદ ફરી જગાડવાનો પ્રયાસ કરાશે

ચંદ્રયાન-3ના  વિક્રમ લેન્ડર અને પ્રજ્ઞાન રોવરનું હવે શું થશે? આ સવાલનો જવાબ કદાચ હવે આપવો આઘરો છે. ચંદ્ર પર ફરી પાછી લોહી જમાવતી ઠંડી સાથે રાતની શરુઆત થઈ છે જે પૃથ્વીના 14 દિવસ રહેશે. આવી સ્થિતિમાં હવે તે ફરી એક્ટિવ થશે કે નહીં, તે એક મોટો સવાલ છે. સફળતાપૂર્વક કામ પૂરુ કરીને 14 લૂનર નાઈટમાં સ્લીપ મોડમાં રહ્યાં બાદ વિક્રમ અને રોવર જાગ્યા નથી. 

Chandrayaan-3 Mission:
Efforts have been made to establish communication with the Vikram lander and Pragyan rover to ascertain their wake-up condition.

As of now, no signals have been received from them.

Efforts to establish contact will continue.

— ISRO (@isro) September 22, 2023

ચંદ્ર પર રાતને કારણે શિવશક્તિ પોઈન્ટ અંધારામાં 
ચંદ્ર પર સૂર્ય આથમી ગયો છે. આ સાથે ચંદ્રયાન 3ના રોવર અને લેન્ડરના ફરીથી જાગવાની આશા પણ ધૂંધળી થતી દેખાઈ રહી છે. ચંદ્ર પર રાત પડ્યા બાદ શિવશક્તિ પોઈન્ટ ફરી અંધકારમાં ગરકાવ થઈ ગયો છે. આ એ જ જગ્યા છે જ્યાં ચંદ્રયાન 3 લેન્ડ થયું હતું. ચંદ્ર પરની રાત પૃથ્વીના 14 દિવસ બરાબર છે. 30 સપ્ટેમ્બરથી શિવશક્તિ પોઇન્ટ પર સૂર્યપ્રકાશ ઓછો થવા લાગ્યો હતો. 

ઘણા પ્રયાસો કરાયા છતાં જાગી ન શક્યાં 
મિશન પૂર્ણ થયા બાદ ચંદ્રયાન-3ના લેન્ડર અને રોવર, પ્રજ્ઞાન અને વિક્રમને સ્લીપ મોડમાં મૂકવામાં આવ્યા હતા. તે સમયે ચંદ્ર પર રાત થવાની હતી અને ત્યાંની રાતો એકદમ ઠંડી હોય છે. એવી અપેક્ષા રાખવામાં આવી રહી હતી કે 14 દિવસનું ચક્ર પૂર્ણ થયા બાદ જ્યારે સૂર્ય ફરીથી ઉગશે, ત્યારે પ્રજ્ઞાન અને વિક્રમ ફરીથી સક્રિય થશે. બેંગલુરુથી યુરોપિયન સ્ટેશનો કોરુ અને એસ્ટાર્ક દ્વારા તેને જગાડવાના પ્રયાસો કરાયા હતા જોકે તે જાગી શક્યા નહોતા. 

ચંદ્રયાન-3નો ટૂંકો ઈતિહાસ 
23 ઓગસ્ટ 2023ના દિવસે ચંદ્રયાન 3 ચંદ્રના દક્ષિણી ધ્રુવ પર લેન્ડ થયું હતું. આ પછી, ભારત આવું કરનારો વિશ્વનો પ્રથમ દેશ બન્યો. ચંદ્રયાન 3 જ્યાં લેન્ડ થયું હતું તેને શિવશક્તિ પોઇન્ટ નામ આપવામાં આવ્યું છે. તે માન્ઝિનુસ સી અને સિમ્પ્લિયસ એન ક્રેટર્સ વચ્ચે ઉત્તર ચંદ્ર ધ્રુવથી લગભગ 4200 કિમી દૂર છે.